Озбекстан республикасы ауыл хожалыгы министрлиги

Мундарижада кириш, бўлим (боб) ва кичик бўлимлар номлари, дастурда уларнинг жойлашган ўрнининг бошланиш бетлари кўрсатилади.
Кириш қисмида диссертация ишида кўрилаѐтган масаланинг мавжуд ҳолатининг таҳлили, танланган мавзунинг долзарблиги ва зарурияти, муаммони ўрганилганлик даражаси, мақсади, вазифаси, тадқиқот объекти, предмети, услублари, илмий янгилиги, назарий ва амалий аҳамияти, тадқиқот натижаларининг эълон қилиниши, диссертация ҳажми ѐритилади.
Адабиѐтлар шарҳида Ўзбекистон Республикаси ва хорижий давлатларда тадқиқотларда ҳал этиладиган масалага оид махсус адабиѐтларда эълон қилинган илмий маълумотлар умумлаштирилади, улар ҳаққоний ва танқидий таҳлил қилинади. Уларга таянилган ҳолда ишда илгари сурилаѐтган фикрлар илмий жиҳатдан асосланиб, тегишли ечимлар ва қарорлар қабул қилинади. Таҳлилнинг мантиқий, маълум бир тартибга солинган бўлиши, муаллифлар фикрига талабанинг муносабат билдирилиши лозим. Кўриб чиқилаѐтган мавзу бўйича аниқланган ва қатъий белгиланган, ҳамда алоҳида ўрганишни талаб этувчи масалалар ҳақида магистрантнинг аниқ фикр билдириши талаб этилади.
Тадқиқотларни ўтказиш шароитлари ва услублари бўлимида тадқиқотларнинг мақсад ва вазифалари кўрсатилади, ўтказиш жойи ва унинг табиий (иқлим, об-ҳаво, тупроқ ва гидрогеологик) шароитларига, ўрганилаѐтган тадқиқотларни амалга ошириш услубияти (назарий, экспериментал дала, лаборатория, вегетацион ѐки лизиметрик тадқиқотлар, тажриба схемаси, тажриба даласида вариантларни жойлаштириш услубияти, тадқиқотларда олиб бориладиган лаборатория ва бошқа таҳлиллар, тажриба натижаларига статистик ишлов бериш кабилар) ѐритилади.
Кутилаѐтган натижалар бўлимида тажрибада эришиладиган натижалар – кўрилаѐтган масаланинг ечилиши орқали ҳосилдорликнинг ортиши, маҳсулот етиштиришда биологик самарадорлик, маҳсулот етиштиришнинг иқтисодий самарадорлигининг ортиши, ер ва сув ресурсларининг муҳофаза қилиниши, улардан оқилона фойдаланилиши, меҳнат харажатларининг камайиши, ишлаб чиқилган тадбирнинг амалиѐтга тадбиқ этиш имкониятлари кўрсатилади.

4.