Озбекстан республикасы ауыл хожалыгы министрлиги

Магистрлик диссертацияси бўйича илмий мақолалар ѐзиш ва конференцияларга маърузалар тайѐрлаш

Магистр талабаларнинг илмий фаолияти билан боғлиқ изланиш натижалари Олий аттестация комиссияси томонидан тан олинган нашрларда ва олий таълим муассасалари нашрларида чоп этилиши мумкин. Иқтидорли магистрантларни илмий мақолалар ѐзишга, конференция ва семинарлар учун маърузалар тайѐрлашга ўргатиб бориш муҳим аҳамиятга эга. Магистр талабалар диссертация мавзуси бўйича мустақил равишда илмий характердаги мақола, тезис ѐки анжуманлар учун маъруза тайѐрлаши мумкин. Магистрант ўқув адабиѐтлари, илмий-тадқиқот ишлари, диссертациялар, мақола ва монографиялар ҳамда бошқа ахборот манбаларидан ўз мавзусига оид керакли материалларни тўплайди, уларни таҳлил қилади, илмий натижаларига асосланган ҳолда қўшимчалар киритади, шарҳлайди, ўз фикрини баѐн қилади, асослайди, илмий рахбаридан ва зарур ҳолларда соҳанинг етакчи мутахассисларидан маслаҳатлар олиб туради.

Магистрлик диссертацияси бўйича илмий мақолалар ёзиш.

Магистрлик диссертациясини тайѐрлаш жараѐнида тадқиқотнинг илмий ѐки амалий натижалари акс этган тезис, илмий мақола нашр этилган бўлиши керак. Мақола (тезис) конференцияларнинг тезислар тўпламида, республика, халқаро миқѐсида эълон қилинаѐтган илмий мақолалар тўпламлари, илмий журналларда шунингдек, Ўзбекистон Республикаси Вазирлар Маҳкамаси ҳузуридаги Олий аттестация комиссияси томонидан тан олинган нашрларда эълон қилиниши лозим.
Магистрлик диссертацияси бўйича тайѐрланган илмий мақолаларнинг илмий савияси, унинг ўрнатилган тартибда расмийлаштирилиши (мақолада муаллифнинг исми фамилияси, сарлавҳа, матнда расмлар ва жадвалларнинг жойлаштирилиши, иловалар беришнинг тартиби, адабиѐтларнинг ѐзилиши каби) кафедра мажлисида кўриб чиқилиши ва мутахассис тақризи билан нашрга тавсия этилиши лозим.
Магистрлик диссертацияси бўйича конференцияларга маърузалар тайѐрлаш. Магистрлик диссертациясининг илмий ѐки амалий натижалари бўйича республика, халқаро миқѐсида ўтказилаѐтган конференцияларда маъруза қилиш мумкин. Бунда конференция ўтказилаѐтган ОТМ, илмий тадқиқот институтлари, марказларининг талаблари, шартлари ўрганиб чиқилади ва шу асосда конференция маърузаси тайѐрланади.
Магистрантнинг конференция учун тайѐрлаган маъруза матни, унинг расмийлаштирилиши, илмий савияси кафедрада кўриб чиқилиши ва тавсия этилиши лозим.
Магистрлик диссертацияси бўйича конференцияларда қилинган маърузалар ва эълон қилинган мақолалар ҳақида маълумотлар диссертациянинг кириш қисмида акс эттирилади.

7.