Тадқиқотнинг вазифалари:
-ҳинд настаринининг морфологик ва биоэкологик ҳусусиятларини ўрганиш;
-ҳинд настаринини уруғи ва қаламчасидан кўпайтиришнинг самарали
йўлларини аниқлаш;
-кўкаламзорлаштириш учун фенологик кузатувлар асосида тадқиқот объектларининг манзаравийлик хусусиятини баҳолаш ва кўпайтиришнинг энг мақбул вариантини тавсия этиш;
-биологик ва иқтисодий самарадорлигини аниқлашдан иборат.
Тадқикот объекти сифатида интродукция қилинган, академик Ф.Н.Русанов номидаги Тошкент Ботаника боғидаги Ҳинд настарини бутаси олинган.
Тадқиқот предмети Ҳинд наcтарини биоэкологияси, гуллари, меваси, уруғлари, яшил новдаларини ўрганиш асосида кўпайтириш технологиясини илмий асослаш.
Тадқиқот услублари. Фенологик кузатувлар И.Н. Бейдеман «Методика изучения фенологии растений», дарахт ва буталарни вегетатив усулда кўпайтириш мақсадида M. Browse томонидан ишлаб чиқилган «Ўсимликларни вегетатив кўпайтириш», манзаравийлик хусусияти бўйича баҳолаш Н.И. Штонда услубига асосан амалга оширилди. Олинган маълумотларни статистик кайта ишлашда умум кабул килинган мезонлар ҳамда Б.А. Доспехов «Методика полевого опыта» услубига асосан бажарилади.
Олинган натижаларнинг иқтисодий самарадорлигини ҳисоблашда “Асосий қишлоқ хўжалиги экинларини парваришлаш ва маҳсулот етиштириш бўйича намунавий технологик карталар. 2016-2020 йиллар учун (II – қисм)” дан фойдаланилади (2015).
Тадқиқотнинг илмий янгилиги.
Илк маротаба Ўзбекистон шароитида ҳинд настаринининг морфологик ва биоэкологик ҳусусиятларини ўрганилди;
ҳинд настаринини уруғи ва қаламчасидан кўпайтиришнинг самарали йўлларини аниқланди;
кўкаламзорлаштириш учун фенологик кузатувлар асосида тадқиқот объектларининг манзаравийлик хусусиятини баҳолаш ва кўпайтиришнинг энг мақбул вариантини тавсия этилди;
ҳинд настаринини кўпайтиришдаги биологик ва иқтисодий самарадорлигини аниқланди.
Тадқиқотларнинг назарий ва амалий аҳамияти. Ўзбекистон шароитида хинд настарини бутасини фенологик кузатувлар асосида биоэкологиясини ўрганиш, уруғларига турли стимуляторлар таъсир эттирган ҳолда ва қаламчасидан кўпайтириш ва етиштириш агротехникасини ўрганишдан иборат. Ўзбекистон шароитига мос чиройли манзарага эга, касаллик ва зараркунандаларга чидамли, узоқ муддат гулловчи ҳинд настаринининг энг яхши нав ва шакллари танланади. Уларнинг биоэкологияси ва кўпайтириш технологиясини ўрганиш орқали илмий асосланади ва кўкаламзорлаштириш
учун тавсия этилади.
Do'stlaringiz bilan baham: |