O‘zbekistonrespublikasi oliyva o‘rta maxsus ta’limvazirligi farg‘ona politexnika instituti

Tuman hokimligi Devonxona bo‘limi to‘g‘risida

NAMUNAVIY NIZOM

I. Umumiy qoidalar

1. Ushbu Nizom “Mahalliy davlat hokimiyati to‘g‘risida”gi O‘zbekiston Respublikasi Qonuniga va O‘zbekiston Respublikasi Prezidentining “Mahalliy ijroiya hokimimyati organlari faoliyatini yanada takomillashtirish to‘g‘risida” 2016 yil 22 dekabrdagi PQ-2691-son qaroriga muvofiq tuman hokimligi devonxona bo‘limining vazifalari, funksiyalari, huquqlari, mas’uliyatini hamda faoliyatini tashkil etish tartibini belgilaydi.

2. Devonxona bo‘limi o‘z faoliyatida O‘zbekiston Respublikasi Konstitutsiyasiga, “Mahalliy davlat hokimiyati to‘g‘risida”gi O‘zbekiston Respublikasi Qonuniga va O‘zbekiston Respublikasining boshqa qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari
va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, Viloyat hokimining qaror va farmoyishlariga  boshqa qonun hujjatlariga, xalq deputatlari tuman Kengashining va tuman hokimining hujjatlariga, shuningdek ushbu Nizomga amal qiladi.

3. Devonxona bo‘limi o‘z faoliyatini tuman hokimi rahbarligida amalga oshiradi.

4. Devonxona bo‘limi o‘ziga yuklangan vazifalar va funksiyalarni bajarishda tuman hokimining ko‘rsatmasiga asosan O‘zbekiston Respublikasi Prezidenti Devonining tegishli xizmatlari, O‘zbekiston Respublikasi Oliy Majlisining palatalari, O‘zbekiston Respublikasi Vazirlar Mahkamasi, viloyat hokimligi shuningdek davlatning boshqa organlari hamda boshqa tashkilotlar bilan o‘zaro hamkorlik qiladi.