O’zbekistonning xalqaro tashkilotlar bilan hamkorlik evolutsiyasi (1991-2021 yy.) Reja: Kirish

Mavzuning o’rganilganlik darajasi: O’zbekiston Respublikasining jahon davlatlari bilan siyosiy, iqtisodiy va madaniy aloqalari tarixi xalqaro munosabatlarning muhim tomonlari hisoblanadi. O’zbekistonning xalqaro munosabatlardagi o’ziga xos o’rni mustaqillik yillaridan to bugunga qadar keng qamrovda o’rganib kelinmoqda. Ko’plab tarixchi va siyosatchi olimlar yurtimizni xalqaro doiradagi faoliyatini mustaqillikka qadam qo’yilishidan boshlab o’rgana boshladilar. Vaholanki mustaqillikka qadar O’zbekiston SSSR tarkibidagi Respublikalardan biri bo’lib, O’zbekistonning siyosiy, iqtisodiy va madaniy aloqalar sobiq Ittifoqning rahbariyati ko’rsatmalari va buyruqlari asosida boshqarilardi hamda qattiq nazorat qilinardi.
O'zbekiston Respublikasining jahon davlatlari va xalqaro tashkilotlar bilan siyosiy, iqtisodiy va madaniy aloqalari va bu hamkorlik istiqbollari, shu bilan birgalikda O’zbekiston Respublikasining Birlashgan Millatlar Tashkiloti, Yevropada Xavfsizlik va Hamkorlik Tashkiloti, Iqtisodiy Hamkorlik Tashkiloti, Shanxay hamkorlik tashkiloti kabi bir qator xalqaro tashkilotlar bilan ilmiy-texnikaviy va boshqa sohalardagi hamkorligi xususidagi mavzular R.Farmonov, K.Jo’raev, A.Mo’minov, X.G’ulomov, A.Xolliev, Ya.G’afforov, E.Nuriddinov, Q.Usmonov, M.Lafasov, M.Raximov kabi olimlarning asarlarida yoritib berilgan³.
Yuqorida qayd etilgan masala mohiyatidan kelib chiqib, mavzuning oʼrganilganlik darajasini uch qismga ajratish mumkin:
1. Mustaqillikdan to 2016-yilgacha bo’lgan davrda yaratilgan adabiyotlar.
2. 2016-yildan to 2021-yilgacha, ya’ni Yangi O’zbekiston davrida amalga oshirilgan tadqiqotlar.
3.Xorijiy mualliflar asarlari.
Tadqiqotning maqsadi:
- Jahon hamjamiyatiga qo’shilishi jarayonlarida O’zbekiston Respublikasini tarixiy nuqtai nazardan o’rganish va tahlil qilish;
- Mustaqil O’zbekistonning BMTga qabul qilinishi va BMT doirasida jahon hamjamiyatidagi faoliyatining o’ziga xos o’rnini o’rganish;
- O’zbekistonning xalqaro munosabatlardagi taraqqiyotining yangi bosqichini qiyosiy tahlil qilish;
- O’zbekiston Respublikasining YXHT bilan aloqalarini o’rganish;
- O’zbekiston va Shanxay Hamkorlik Tashkiloti munosabatlarini tahlil qilish;
- YUNISEF jamg’armasi va O’zbekistonning hamkorlikdagi “Orol dengizi: mintaqaviy va ekologik yordam loyihasi”ni tahlili.