O’zbekistonning mustaqillik davri tarixi fanidan o’quv – uslubiy majmua

Fan bo’yicha talabalarning bilimiga, ko’nikma va malakasiga qo’yiladigan talablar

«O’zbekistonning mustaqillik davri tarixi» o’quv fanini o’zlashtirish jarayonida amalga oshiriladigan masalalar doirasida bakalavr:

-O’zbekistonning mustaqillik davri tarixining asosiy bosqichlari; O’zbekiston tarixining ma’lum bir tarixiy hodisalari; jahon tarixida O’zbekistonning o’rni;
-Zamonaviy jarayonlarda O’zbekistonning jahon hamjamiyati bilan inergatsiyasi; tarixiylik va xolislik nuqtai nazaridan O’zbekiston tarixi muammolarning ishlab chiqilishi jarayonlarini bilishi kerak;
-O’zbekistonning mustaqillik davri tarixi muammolarini o’rganish va ishlab chiqishda milliy mustaqillik g’oyasining ahamiyati; O’zbekiston tarixining turli davrlaridagi tarixiy jarayonlarning o’ziga xosligi haqida; O’rta Osiyo Renessansi; O’zbekistonning mustaqil davlat sifatida vujudga kelishi va rivojlanishi; O’zbek davlatchiligining shakllanishi va rivojlanish bosqichlarini aniqlash; tarix fani ijtimoiy tafakkur mahsuli ekanligi, ijtimoiy fanlar rivojida tarix fanining muhim voqealar bilan bog’liqligini bilish ko’nikmalariga ega bo’lishi kerak.
-Vatan tarixini bilishi; ma’naviy-milliy va umuminsoniy masalalar bo’yicha o’z qarashlarini ilmiy asoslashni va ifodalashni bilishi, milliy mustaqillik g’oyalariga amal qiladigan faol hayotiy dunyoqarashga ega bo’lishi; bakalavriat yo’nalishiga mutanosib ravishda raqobatbordosh umumkasbiy tayyorgarlikka ega bo’lishi; yangi bilimlarni mustaqil egallay olishi, o’z faoliyatini ilmiy asosda tashkil etishi va o’zini kamolotga yetkazish ustida ishlay bilishi; ta’lim yo’nalishi bo’yicha oliy ma’lumotli shaxslarga tegishli lavozimlarning bo’sh o’rinlarida mustaqil ishlay olish tajribasiga ega bo’lishi; bakalavriatning tegishli yo’nalishi doirasida tanlangan ixtisoslik bo’yicha magistratura oliy ta’limini davom ettirish malakalariga ega bo’lishi kerak.


Fanning o’quv rejadagi boshqa fanlar bilan o’zoro bog’liqligi va uslubiy jihatdan ketma-ketligi

O’zbekistonning mustaqillik davri tarixi fani asosiy ixtisoslik fani hisoblanib, 1-5 semestrlarda o’qitiladi. Dasturni amalga oshirish o’quv rejasida rejalashtirilgan Arxeologiya, Tarixiy o’lkashunoslik, Ibtidoiy jamoa tarixi, Antropologiya, Tarixiy geografiya, Falsafa fanlaridan yetarli bilim va ko’nikmalarga ega bo’lishlik talab etiladi.