O’zbekistonning jahonning rivojlangan mamlakatlari bilan iqtisodiy hamkorligi

Reja:

Kirish………………………………………………………………………...	3
1. Xalqaro iqtisodiy hamkorlik tushunchasi va mazmuni…………………...	5
2. Mamlakatning dunyoning rivojlangan mamlakatlari bilan iqtisodiy hamkorligining maqsadi va vazifalari……………………………………….	10
3. Mamlakat iqtisodiyotida iqtisodiy hamkorlikning tutgan o’rni va ahamiyati…………………………………………………………………….	16
4. O’zbekiston Respublikasining iqtisodiy hamkorlik natijalar tahlili……...	21
5. O’zbekiston Respublikasining iqtisodiy hamkorlikgining rivojlanish istiqbollari…………………………………………………………………...	31
Xulosa……………………………………………………………………….	39

Kirish
Kurs ishi mavzusining dolzarbligi.
Ma’lumki, bundan 30 - 35 yil oldin mamlakatimizda tashqi iqtisodiy aloqalar tugul, tashqi aloqalarning o’zi yo’q edi. Umuman, sobiq mustabid tuzum davrida u nihoyatda og’ir ahvolga tushib qolgan, biryoqlama rivojlangan, paxta monopoliyasi avj olgan, asosan, xom ashyo yetkazib berishga moslashgan zaif va nochor iqtisodiyotga ega yarimmustamlaka darajasidagi respublika bo’lgan.
O’zbekiston istiqlolga erishgach, qator davlatlar bilan mustaqil iqtisodiy hamkorlikni yo’lga qo’ya boshladi. U taraqqiyotning ustuvor yo’nalishlaridan biri, davlat siyosatining muhim jihati sifatida belgilab olindi. Pirovardida ulkan tabiiy va ilm-fan salohiyati, qudratli eksport imkoniyatlariga ega bo’lgan mustaqil mamlakatimizning jahon hamjamiyatidagi o’rni hamda obro’-e’tibori yangi bosqichga ko’tarilib, ijtimoiy-iqtisodiy islohotlarni izchil amalga oshirish, milliy iqtisodiyotni yanada yuksaltirish, eksportbop mahsulotlar turini ko’paytirish, eng muhimi, jahon hamjamiyatiga integratsiyalashuvimiz uchun emin-erkin sharoit yaratdi.
Milliy iqtisodiyotimizning eksport salohiyati jadal rivojlanib, tobora raqobatga bardoshli bo’lib bormoqda. Eksport korxonalar faoliyatining eng muhim yo’nalishiga, butun iqtisodiyotimizning rivojlanish natijalarini baholash mezoniga aylandi. Bugungi kunda deyarli ko’pgina tarmoq va korxonalarimiz tashqi iqtisodiy faoliyatga to’liq jalb etilgan bo’lib, tashqi bozorlarni faollik bilan o’zlashtirmoqda. Bularning bari faol tashqi iqtisodiy aloqalarimizning natijasidir. Shuning uchun tashqi iqtisodiy hakorligimizni faol rivojlantirib borishimiz zarur. Bu haqda Prezident Sh.Mirziyoev quyidagi fikrlarni ta’kidlab o’tganlar: “Tashqi iqtisodiy sohada hali ishga solinmagan katta imkoniyat va zaxiralar mavjudligini ta’kidlash lozim. Bu borada biz Markaziy Osiyo mamlakatlari va yirik sheriklarimiz – Xitoy, Rossiya, Janubiy Koreya, AQSh, Turkiya, Yevropa Ittifoqi mamlakatlari bilan savdo-iqtisodiy aloqalarni kengaytirishni davom ettiramiz”¹.
Yuqoridagilar biz tanlagan kurs ishi mavzusi katta nazariy va amaliy hamda shu bilan bir qatorda dolzarb ahamiyatga ega ekanligidan dalolat beradi.