O’zbekistonning eng yangi tarixi

O’zbekistonning iqtisodiy imkoniyatlari (makroiqtiosdiy barqarorlik, eksport, xom-ashyo manbai, milliy boyliklar, g‘alla, paxta, meva, polis ekinlari)

Rivojlanishning «o‘zbek modeli» deb nom olgan jamiyatni modernizatsiya qilish va yangilash modelining amalga oshirilishi tarixan qisqa muddatlarda iqtisodiyotning tarkibini tubdan o‘zgartirish, makroiqtisodiy muvozanatni va barqaror iqtisodiy o‘sishni ta’minlash imkonini berdi.O‘zbekiston 1991 yilda mustaqillikka erishgan vaqtdan buyon mamlakat YAIMining hajmi xarid qilish qobiliyatining pariteti bo‘yicha qariyb 4,5 marta oshdi, shu bilan birga, so‘nggi yillarda iqtisodiy o‘sish sur’atlari kamida 8 foizni tashkil qilmoqda.1991-2013 yillarda sanoat ishlab chiqarish hajmi 3,7 marta oshdi va oxirgi 10 yilda sanoat o‘sishining o‘rtacha yillik sur’atlari YAIMning o‘sish sur’atlariga qaraganda ilgarilab, 9,4 foizni tashkil qilmoqda.1990-2013 yillarda O‘zbekistondan mahsulot eksport qilish hajmi 35,2 marta oshdi, bunda keyingi 13 yil mobaynida savdo balansining musbat saldosi barqaror ta’minlanmoqda.Birgina so‘nggi o‘n yil ichida yuqori qo‘shilgan qiymatli mahsulot, xususan, avtomobil eksport qilish hajmi 11,6 marta, yigirilgan ip eksport qilish hajmi 4,1 marta, trikotaj polotno eksport qilish hajmi 114,8 marta, o‘g‘itlar eksport qilish hajmi 11,3 marta oshdi.O‘zbekiston Respublikasi tarixiy obidalar soni bo‘yicha jahonda yetakchi o‘rinlardan birini egallab turish bilan birga, ulkan meros – Buyuk ipak yo‘li tarixi bilan chambarchas bog‘lanib ketgan ko‘p asrlik tarix va madaniyatni aks ettiruvchi 4 mingdan ortiq tarixiy-me’moriy yodgorliklarga ega. Samarqand, Buxoro, Hiva, Shahrisabz, Qo‘qon kabi tarixiy yodgorliklarga boy shaharlar butun jahonga mashhur. Bu azim shaharlar betakror tarixiy qiyofasi bilan har qanday odamni o‘ziga jalb etadi.Mamlakatimizda 348 ta turistik firma va tashkilot faoliyat ko‘rsatib turibdi, ko‘plab tarixiy obidalar, arxitektura va me’morchilik yodgorliklarini qamrab olgan 110 ta xalqaro sayyohlik yo‘nalishlari, shu jumladan tarixiy-madaniy meros ob’yektlari bo‘yicha 65 ta, tabiiy-rekreatsion yo‘nalishi bo‘yicha 30 ta va sog‘lomlashtirish turizmi bo‘yicha 15 ta ekologik yo‘nalish yo‘lga qo‘yilgan.

34.