O’zbekistonda arxeologiya. Madrimov Sh

Professor Mavlon Jo’raqulovich Jo’raqulov. 
M.J.Jo’raqulov 1932-yil 9-mayda Samarqand viloyatining Bog’ojot 
qishlog’ida dehqon oilasida tug’ildi. O’rta maktabni tamomlagandan keyin 1955-
1960-yillarda Samarqand Davlat universitetining talabasi, 1955-1960-yillari Tarix 
fakultetning jamoat ishlari, 1960-1963-yillari SamDU aspiranturasiga kirib, 1966- 
yilda «O’rta Osiyoning tosh davri tarixshunosligi»ni o’rganilishi mavzuida 
nomzodlik, 1992-yilda «Zarafshon havzasi tosh asri madaniyati» mavzuida 
doktorlik dissertatsiyasini himoya qildi. 
M.J.Jo’raqulov 1960-yillardan boshlab uzoq yillar davomida Ohalik, 
Sazag’on, Zirabuloq, Qo’tirbuloq, Chashma, Olmabuloq, Qorakamar, Samarqand 
kabi qadimgi manzilgohlarda, 1967-1971-yillarda Afrosiyob harobalarida 
arxeologik izlanishlar olib borib, yurtimizning ibtidoiy davr tarixi va madaniyatini 
o’rganishga ulkan hissa qo’shdi. 
Afrosiyobni o’rganish bo’yicha tashkil qilingan muammoviy laboratoriya va 
ekspeditsiya olib borgan izlanishlar IX-XI asrlar tarixi, fani va madaniyatiga, 
qurilish va memorchilik, shaharshunoslik, kommunikatsiya, hunarmandchilik, 

---

61 
kulolchilikka oid katta ilmiy ahamiyatga molik bo’lgan ashiyoviy dalillar to’pladi. 
Aynan shu laboratoriya keyinchalik SamDUdagi Arxeologiya kafedrasini 
ochilishiga sababchi bo’ldi. Hozirgacha ishlab kelayotgan arxeologiya kafedrasi 
juda ko’plab bakalavr, magistr diplomli mutaxassislar, hamda kafedradagi 
aspirantura malakali olimlarni etkazib beradigan markazga aylandi. 
Domla Mavlon aka Jo’raqulovning ijodini yarmidan ko’p qismini pedagogik 
faoliyat tashkil qiladi. U juda ko’plab shogirdlarni tarbiyaladi. Davlatimiz 
tomonidan ham M.Jo’raqulovning mehnatlari munosib baholandi. Jumladan 1970- 
yilda «Shavkatli mehnati uchun» medali, 1982-yilda O’zbekiston respublikasida 
xizmat ko’rsatgan xalq talimi xodimi», 1988 y. Akademik N.A.Pelyugin medali 
bilan, 1992-O’zbekiston Respublikasi mustaqilligi kunining bir yilligi munosabati 
bilan «Mustaqillik» esdalik nishoni 
berildi. 
Yuqoridagilardan 
tashqari 
M.J.Jo’raqulov ko’p yillar davomida SamDUning rektori, Arxeologiya 
kafedrasining mudiri, professori lavozimlari, Universitet va shaharning juda kplab 
jamoa ishlarini bajarib kelgan.