O’zbekiston xalqaro islom akademiyasi “Islom iqtisodiyoti va xalqaro munosabatlar” fakulteti

Mavzuning o‘rganilganlik darajasi. Shanxay hamkorlik tashkiloti doirasida investitsion hamkorlikning ustuvor yo‘nalishlari va istiqbollari bir qancha xorijlik iqtisodchi olimlar R.Allison, A.Bailes, P.Dunay, S.Blank, E.Fels, X.Guangcheng, A.P.Sznajder, V.Frederik va boshqalar tomonidan chuqur o‘rganilgan⁵.

Hozirgi kunda ShHT doirasida investitsion hamkorlikni rivojlantirishning asoslari va uning istiqbollarini tadqiq etishdagi muammolarga qaratilgan ishlar qatorida quyidagi olimlarni: N.I.Komissina, A.A.Kurtov, A.V.Lukin, O.V.Demina, E.Frolova, K.Simonov, A.A.Kolyutkov, A.V.Osetrov, A.A.Koltyukov, T.V.Axmadulina va boshqalar⁶ning ilmiy ishlarini keltirish mumkin.

O‘zbekistonda ShHT va undagi investitsion hamkolikni rivojlantirishga bag‘ishlangan masalalar I.Karimov asarlarida, shuningdek, A.A.Vaxabov, D.A.Tadjibayeva, Sh.X.Xajibakiyev, H.Abulqosimov, R.X.Shodiyev, E.Maxmudova va boshqalarning ilmiy ishlarida yoritilgan⁷. ShHT doirasida investitsion hamkorlikni rivojlantirishning ilmiy-amaliy jihatlari A.V.Vaxabov, A.A.Isadjanov, S.M.Saitkomilov va boshqalar tomonidan tadqiq etilgan⁸.

Shunga qaramay, Shanxay hamkorlik tashkiloti doirasida investitsion hamkorlikni rivojlantirishga aynan bag‘ishlangan asarlar, ushbu yo‘nalishning mintaqa hududidagi a’zo davlatlarga qanchalar keng imkoniyatlar yaratib bera olishligi haligacha yetarli darajada o‘rganilmagan. Shuning uchun, ushbu bitiruv ishida investitsion hamkorlik yo‘nalishlarini chuqurroq o‘rganishga harakat qilindi.