O‘zbekiston xаlq demokrаtik pаrtiyasining ustаvi

4. O‘zbekiston ХDP faoliyatining hududi

O‘zbekiston ХDP o‘z faoliyatini O‘zbekiston Respublikasining barcha hududlarida amalga oshiradi.

5. O‘zbekiston ХDP markaziy organlarining qarorgohi

O‘zbekiston ХDP markaziy organlari Toshkent shahar, Mustaqillik maydoni, 5-binoda joylashgan.

II. O‘ZBEKISTON ХDP TUZILMASI


6. O‘zbekiston ХDP a’zolari birlashuvining asosiy tamoyillari

Partiya a’zolari birlashuvining asosiy tashkiliy shakli O‘zbekiston Respublikasining tegishli ma’muriy-hududiy sub’ektlari doirasida tuziladigan hamda partiya a’zolarini bevosita turar joyi, kasb-kori yoki jamoatchilik faoliyati bo‘yicha birlashtiruvchi partiya tashkilotlaridir.

Davlat hokimiyatining qonunchilik-vakillik organlarida partiyadan saylangan deputatlardan iborat tuziladigan deputatlik birlashmalari ushbu organlarda partiya manfaatlarini ifodalashning tashkiliy shaklidir.

Partiyaning saylovlarda ishtiroki bilan bog‘liq Ustav faoliyatini amalga oshirish uchun saylov okruglarida partiya guruhlari va partiya tashkilotlarining birlashmalari tuzilishi mumkin.

Dasturiy vazifalarni hal etish maqsadida partiya a’zolarining boshqa shakldagi birlashmalaridan ham foydalanish mumkin.

7. O‘zbekiston ХDP tashkilotlari

Qoraqalpog‘iston Respublikasi, viloyatlar va Toshkent shahri doirasida tuman va shaharlarda tuziladigan partiya tashkilotlarini birlashtirish uchun;

respublika va viloyatga bo‘ysunadigan tuman va shaharlar doirasida, shuningdek, lozim topilgan hollarda, ular tarkibiga kiradigan hududlar va aholi yashash punktlarida boshlang‘ich partiya tashkilotlarini birlashtirish uchun tuziladi.

Boshlang‘ich partiya tashkilotlari, kamida uch nafar partiya a’zosini bevosita birlashtirish maqsadida, ularning istiqomat joyi, kasb-kori va jamoatchilik faoliyati bo‘yicha, shunday birlashuv uchun qonuniy cheklovlar bo‘lmagan hollarda tuziladi. Zarur hollarda boshlang‘ich partiya tashkilotlari tarkibida partiya guruhlari tuzilishi mumkin.

Partiya tashkilotlarini hamda ular tarkibidagi partiya guruhlarini tuzish, qayta tashkil etish (bo‘lish, qo‘shish va boshqalar) va tarqatish tartibi mazkur Ustav bilan belgilanadi.

8.Partiyaning deputatlik birlashmalari

Partiya manfaatlarini davlat hokimiyati qonunchilik-vakillik organlarida uyushqoqlik bilan ifodalash maqsadida qonunda belgilangan tartibda:

Qonunchilik palatasidagi O‘zbekiston Хalq demokratik partiyasining fraksiyasi – Qonunchilik palatasiga partiyadan saylangan deputatlardan;

Qoraqalpog‘iston Respublikasi Jo‘qorg‘i Kengesi, хalq deputatlari viloyat, tuman, shahar Kengashlaridagi O‘zbekiston Хalq demokratik partiyasining deputatlik guruhlari – davlat hokimiyati tegishli vakillik organlariga partiyadan saylangan deputatlardan tuziladi.

Qonunchilik palatasidagi O‘zbekiston ХDP fraksiyasining faoliyati partiya markaziy rahbar organlari tomonidan muvofiqlashtiriladi.
Qoraqalpog‘iston Respublikasi Jo‘qorg‘i Kengesi, хalq deputatlari viloyat, tuman va shahar Kengashlaridagi O‘zbekiston ХDP deputatlik guruhlari faoliyati partiyaning tegishli rahbar organlari tomonidan muvofiqlashtiriladi.