O‘zbekiston xаlq demokrаtik pаrtiyasining ustаvi

36. O‘zbekiston ХDP rahbar va ijroiya organlari faoliyatini nazorat qilish

O‘zbekiston ХDP rahbar va ijroiya organlari faoliyati ustidan nazorat qilish ularning vaqti-vaqti bilan tegishli partiya tashkilotlari va yuqori partiya organlari oldida hisobot berishlari bilan ta’minlanadi.

O‘zbekiston ХDP organlari, tashkilotlarining moliyaviy-хo‘jalik faoliyati va partiya byudjetining to‘g‘ri shakllanishi hamda mablag‘larning sarflanishi ustidan nazorat O‘zbekiston ХDP Markaziy Taftish Komissiyasi va hududiy partiya tashkilotlarining taftish komissiyalari tomonidan amalga oshiriladi.

5.2. O‘zbekiston XDPning oliy hаmdа mаrkаziy rаhbаr vа ijroiya orgаnlаri

37. O‘zbekiston XDP qurultoyi

O‘zbekiston ХDP oliy rahbar organi qurultoydir.

Navbatdagi qurultoylar O‘zbekiston ХDP Markaziy Kengashi tomonidan 5 yil ichida kamida bir marta, qoida tariqasida O‘zbekiston Respublikasi Prezidentligiga hamda Qonunchilik palatasiga o‘tkaziladigan saylovlarda Prezidentlikka va deputatlikka nomzodlar ko‘rsatish davrida chaqiriladi. O‘zbekiston ХDP Markaziy Kengashining navbatdagi qurultoyni chaqirish, unga taklif etilayotgan kun tartibi va vakillik me’yori to‘g‘risidagi qarori qurultoyga kechi bilan bir oy qolganda e’lon qilinadi.

Partiyaning navbatdan tashqari qurultoyi O‘zbekiston ХDP Markaziy Kengashining tashabbusi bilan yoki partiya a’zolari umumiy sonining kamida uchdan bir qismini birlashtirgan partiya tashkilotlarining talabiga muvofiq chaqiriladi. Bu holda u O‘zbekiston ХDP Markaziy Kengash tomonidan bir oy muddat ichida chaqiriladi va unda barcha partiya a’zolarining kamida yarmining vakilligi ta’minlangan taqdirda, qonuniy huquqqa ega bo‘ladi.

38.O‘zbekistonХDP qurultoyining vakolatlari

O‘zbekiston ХDP qurultoyi:

delegatlarning vakolatlarini tekshiradi, o‘zining ish tartibini belgilaydi, zarur rahbar va ishchi organlarini saylaydi;

O‘zbekiston Respublikasining ichki va tashqi siyosati masalalari yuzasidan O‘zbekiston ХDP nuqtai nazarini ishlab chiqadi, partiya Dasturini, boshqa umumpartiyaviy siyosiy hujjatlarni qabul qiladi, qayta ko‘rib chiqadi va ularga o‘zgartirishlar kiritadi;

O‘zbekiston ХDP Ustavini qabul qiladi, zarur hollarda qayta ko‘rib chiqadi va unga o‘zgartirishlar kiritadi;

Mazkur Ustavda ko‘zda tutilgan, O‘zbekiston ХDP Markaziy Kengashi va Markaziy Taftish K omissiyasi a’zolarining qismini saylaydi;

O‘zbekiston ХDP Markaziy Kengashi, Markaziy Taftish K omissiyasi hisobot va ma’ruzalarini, Qonunchilik palatasidagi O‘zbekiston ХDPning fraksiyasi faoliyati to‘g‘risidagi hisobotni tinglaydi, ular yuzasidan qarorlar qabul qiladi;

O‘zbekiston ХDP Markaziy Taftish Komissiyasi to‘g‘risidagi Nizomni tasdiqlaydi;

O‘zbekiston ХDPdan O‘zbekiston Respublikasi Prezidentligiga nomzod ko‘rsatadi;
O‘zbekiston ХDPdan Qonunchilik palatasi deputatligiga nomzodlar ko‘rsatadi;
O‘zbekiston ХDP faoliyatiga doir boshqa masalalarni ko‘rib chiqadi.
Qurultoy qarorlarini bajarish O‘zbekiston ХDP barcha organlari, tashkilotlari va a’zolari uchun majburiydir.