|
Ta’limga e’tibor - kelajakka e’tibor. Ta’lim - taraqqiyot bosqichidagi eng muhim tizim. Jamiki o’zgarishlar, yangilanishlar bevosita ta’lim rivoji bilan bogliq. Prezidentimiz Shavkat Mirziyoev iborasi bilan aytganda, «Biz ta’lim va tarbiya tizimining barcha bug’inlari faoliyatini bugungi zamon talablari asosida takomillashtirishni o’zimizning birinchi darajali vazifamiz deb bilamiz»5. Mamlakatimizda ta’lim-tarbiya masalasiga davlat siyosati darajasida e’tibor qaratilmoqda.Davlatimiz rahbari tomonidan keyingi davrda ta’lim-tarbiya tizimini mutlaqo yangi bosqichga ko’tarishga xizmat qiladigan bir necha muhim farmon va qarorlar qabul qilindi. Prezidentimizning 2017 yil 30 sentyabrda qabul qilingan qaroriga muvofiq, yurtimizda birinchi marta Maktabgacha ta’lim vazirligi tashkil etildi. Qisqa davrda ushbu tizimda tub o’zgarishlar amalga oshirildi, 980 dan ortiq bog’cha qurilib, ishga tushirildi. Bu maskanlarda ta’lim-tarbiya ishlari eng ilg’or usul va vositalar yordamida olib borilmoqda. Prezidentimiz Shavkat Mirziyoev O’zbekiston Respublikasi Konstitutsiyasi qabul qilinganining 26 yilligiga bag’ishlangan tantanali marosimdagi ma’ruzasida ta’kidlab o’tganidek, «Davlat- xususiy sheriklik asosida barpo etilayotgan xususiy maktabgacha ta’lim maskanlari so’nggi bir yilda ikki barobar ko’paydi va 568 tani tashkil etmoqda. Yana mingta shunday bog’cha ochish bo’yicha amaliy ishlar boshlangan»6. Albatta, maktabgacha ta’lim o’sib kelayotgan avlodning kelgusida jamiyatga faol qo’shilib ketishiga poydevor yaratadi.
Davlatimiz raxbarining 2018 yil 30 sentyabrda qabul qilingan «Maktabgacha ta’lim tizimini boshqarishni takomillashtirish chora-tadbirlari to’g’risida»gi qarori maktabgacha ta’lim tizimini yagona uzluksiz ta’lim tizimining muhim bo’g’ini sifatida yanada takomillashtirish, maktabgacha ta’lim muassasalari tarmog’ini kengaytirish hamda moddiy-texnik bazasini mustaukamlash, ularni malakali pedagog kadrlar bilan ta’minlash, bolalarni har tomonlama intellektual, ma’naviy-estetik va jismoniy rivojlantiruvchi zamonaviy dastur va texnologiyalarning ta’lim-tarbiya jarayoniga joriy etilishi ularning maktabga tayyorgarlik darajasini tubdan oshirishga xizmat qilmoqda.Qarorga muvofiq, O’zbekiston Respublikasi Maktabgacha ta’lim vazirligi qoshida Axborot va pedagogika texnologiyalarining innovatsion markazi, Ixtisoslashtirilgan loyiha-izlanish instituti, Infratuzilmani rivojlantirish bo’yicha injenering kompaniyasi, Maktabgacha ta’limni rivojlantirish jamg’armasi tashkil etildi. Yana shuni ta’kidlab otish kerakki bu sohada 2020-2021 yillarda ham juda ko’plab ishlar amalga oshirildi. Ayniqsa Prezidentimiz Shavkat Mirziyoevning O’zbekiston Respublikasi Oliy Majlisga murojaatida bu haqda ta’kidlab o’tgan. Xususan, 2021 yilda maktabgacha ta’lim qamrovi 65 foizga, 2023 yil oxirida esa 75 foizga etkazilishi, 600 milliard so’m subsidiya berilib, 2 mingta xususiy bog’cha ochilishi, xususiy sektor ulushi 25 foizga etishi haqida ta’kidlangan. 6 yoshli bolalarni maktabga majburiy tayyorlash tizimi, 2021 yilda 6 yoshli bolalarning 82 foizi (560 ming nafar) maktabga bepul tayyorlovga jalb etilishi uzoq qishloqlarda maktabgacha ta’lim tizimini uylarga berish modelini yolga qo’yish kabi masalalardir. Demak, amalga oshirilayotgan islohotlarning, avvalo, maktabgacha ta’lim va tarbiya sohasida boshlanishi ham bugungi kunda ushbu sohaga alohida e’tibor berilayotganligidan darak bermoqda. Bugungi globallashuv jarayonida bolalar tarbiyasida eng asosiy bo’g’in hisoblangan maktabgacha ta’lim tizimining jamiyatimiz hayotidagi o’rni va ahamiyati beqiyos hisoblanadi. Mazkur sohaga bo’lgan e’tibor mamlakatning ertangi taraqqiyoti uchun mustahkam zamin yaratadi. Mazkur sohada amalga oshirilayotgan islohotlarning huquqiy asosi sifatida “Maktabgacha ta’lim va tarbiya to’g’risida”gi Qonunni keltirishimiz mumkin. Mazkur Qonunda maktabgacha ta’lim va tarbiya sohasidagi davlat siyosatining asosiy yo’nalishlari, maktabgacha ta’lim va tarbiya olishga doir davlat kafolatlari va boshqa shunga o’xshash masalalar belgilab qo’yildi.Shuningdek, bugun yirik shaharlarimizdan tortib, chekka tumanlar, qishloq va ovullarimizda yangi-yangi zamonaviy bog’chalar barpo etilmoqda. Qisqa vaqt, ya’ni to’rt yil ichida respublikamizda bog’chalar soni 3 barobar oshib (5 ming 200 tadan 14 ming 200 taga), bolalarni qamrab olish darajasi 28 foizdan 54 foizga etgani ham amaliy harakatlarning natijasidir.So’ngi yillarda ta’lim sohasining barcha bosqichlarini zamonaviy talablar asosida tashkil etish va modernizatsiya qilish bo’yicha qator farmon va qarorlar qabul qilindi.
Do'stlaringiz bilan baham: |
