O‘zbekiston tarixi

SHIXNA – Buxoro xonligida mirshablarning ikkinchi bir nomi.

SHulen – mo‘g‘ullar hukmronligi davrida davlat hazinasi uchun undiriladigan oziq-ovqat solig‘i. SHulen har bir podadan ikki yashar qo‘y, qimiz uchun har ming otdan bir biya hisobida olingan.

SHurat – Somoniylar davlatida davlat boshlig‘i amir tomonidan o‘zini himoya qilish uchun turk g‘ulomlaridan tashkil etilgan maxsus saroy gvardiyasi. Gvardiya boshlig‘i esa Sohibi shurat deyilgan. Sohibi shurat harbiy ishlar vaziri ham hisoblangan.

Ershi – miloddan avvalgi III milodiy II asrlarda mavjud bo‘lgan Dovon (Farg‘ona) davlati poytaxtining xitoy manbalaridagi nomi.

Etimologiya (yunon. etymon – haqiqat, chin logos – fan) – biron bir so‘z yoki atamaning kelib chiqishi, uning boshqa so‘zlar bilan o‘zaro yaqinlik aloqalarini o‘rganuvchi fan sohasi.

Etnik jarayon – kelib chiqishi bir-biriga yaqin bo‘lgan turli qabila va elatlarning asrlar davomida qo‘shilib, aralashib borish jarayoni.

ETNOLOGIYA (yunon. etnos – xalq, logos – fan) – XIX asrning birinchi yarmida fanga kiritilgan atama bo‘lib, er yuzidagi xalqlar va madaniyatlar taraqqiyotining umumiy qonuniyatlarini o‘rganadi.