O‘zbekiston tarixi

MUBADI MUBOD – (mubodi mubodon – zardo‘shtiylar dinida bosh kohni).

MUBOSHIR (arab. – ish yurituvchi) – biror ishga boshchilik qiluvchi, boshqaruvchi, boshliq. 1) Somoniylar va saljuqiylar davrida amir va sultonlarning ishonchli kishisi; 2) XVII-XVIII-asrlarda Buxoro xonligida markaziy davlat idorasining moliya devonidagi amaldor.

Nous – zardushtiylarda odam suyaklari solinadigan ostadonlar saqlanadigan maxsus bino.

Numizmatika (lot. numisma – tanga) – tangashunoslik fani. Qadimiy tangalardagi belgi-rasmlar, tasvirlar, tamg‘alar va yozuvlar orqali ijtimoiy-siyosiy tarixning ayrim jihatlarini o‘rganuvchi tarixning yordamchi fan sohasi. Numizmat – tanga va nishonlarni yig‘uvchi numizmatika fanining mutaxassisi.

Nozir (arab. – nazoratchi) – 1) O‘rta Osiyo xonliklarida saroy ta’minoti va uning xarj qilinishini nazorat qilib turuvchi mansabdor; 2) XX asr boshlarida Buxoro va Xorazm Xalq Respublikalarida (1920-1924 y.y.) savdo, sanoat, harbiy va boshqa sohalar bo‘yicha xalq nozirlari tayinlangan bo‘lib, ular o‘sha soha bo‘yicha ishning borishiga javobgar hisoblanganlar.

OGPU (Birlashgan davlat siyosiy boshqarmasi) – SSSR Xalq Komissarlar Kengashi huzurida 1923-1934 yillarda faoliyat ko‘rsatgan davlat havfsizligini qo‘riqlash idorasi. Keyin NKVD tarkibiga kiritilib, Davlat havfsizligi Bosh boshqarmasi deb o‘zgartirilgan.