O‘zbekiston tarixi

Kitobdor – Buxoro amirligida amir kutubxonasi va barcha viloyatlar kitobdorlari boshlig‘i.

Lavvoh – qo‘lyozma kitob sahifalariga jilo beruvchi usta, rassom.

LAVH (arab. – taxta) – 1) o‘rta asr maktablarida talabalar savod chiqarish uchun ishlatgan yozuv taxtasi; 2) o‘qish vaqtida ustiga kitob, nota ochib qo‘yiladigan maxsus kursicha (taglik). Samarqanddagi Bibixonim masjidining hovlisida, Toshkentdagi temuriylar tarixi davlat muzeyida marmardan ishlangan katta lavh bor.

MAJUSIYLIK – 1) zardushtiylikning musulmonlarda atalishi; 2) yakkaxudolik dinlari paydo bo‘lguniga qadar vujudga kelgan diniy e’tiqodlar, marosim va bayramlarni ifodalash uchun ishlatiladigan atama. Majusiylik atamasi shuningdek, sehirgarlik, animizm, fetishizm, totemizm kabi ibtidoiy din shakllarini ham ifodalaydi.