O‘zbekiston tarixi

Gandimiyon shartnomasi – Xiva xonligi bilan CHor Rossiyasi o‘rtasida 1873 yil 23 avgustda imzolangan shartnoma. Ushbu shartnomada “Onhazrat Xiva xoni Rossiya bilan sulh va do‘stlik shartnomasini imzolaydi hamda imperator oliy hazratlarining oliy homiyligida bo‘ladi”-deya ta’kidlangan edi.

Sulh bo‘yicha Xiva xonligiga 2,2 mln. rubl miqdorda tovon solinadi. Bu paytda xonning xazinasi deyarli bo‘shab qolgan bo‘lib, bu pul Xiva xalqidan yig‘ib olinadigan bo‘ldi.

Gandimiyon (Xiva yaqinidagi qishloq) shartnomasiga ko‘ra Xiva xonligi chor ma’murlariga tamomila tobe’ bo‘lgan kichik viloyatga aylantiriladi. CHunki xonlikka qarashli Turkmaniston erlari, CHorjuy, Amudaryoning o‘ng sohilidagi erlar Turkiston General gubernatorligi tarkibiga kiritilib bu erda Kaspiyorti viloyati tashkil etiladi.

GANCHKOR – ganch (alebastr) bilan bino yoki narsa buyumlarga bezak beruvchi xunarmand usta.

GEGEMONIYA (yunon. hegemonia – hukmronlik, ustunlik) – jamiyat va davlat boshqaruvida, shuningdek xalqaro munosabatlarda biron bir siyosiy kuch yoki ijtimoiy guruhning ustunligi va rahbarligini anglatuvchi siyosiy tushuncha.