Oʻzbekiston respublikasining soliq kodeksi (Yangi tahriri) Oʻzbekiston Respublikasining

31-modda. Yakka tartibdagi tadbirkorlar 
(1-q.)
Belgilangan tartibda roʻyxatdan oʻtgan va yuridik shaxs tashkil etmagan holda 
tadbirkorlik faoliyatini amalga oshiradigan jismoniy shaxs yakka tartibdagi tadbirkor hisoblanadi. 
(2-q.)
Yuridik shaxs tashkil etmagan holda tadbirkorlik faoliyatini amalga oshiruvchi, biroq 
yakka tartibdagi tadbirkor sifatida roʻyxatdan oʻtmagan jismoniy shaxslarga soliq solish va ularga 
nisbatan javobgarlik choralarini qoʻllash maqsadida yakka tartibdagi tadbirkor sifatida qaraladi. 
32-modda. Yuridik shaxslar va ularning alohida boʻlinmalari 
(1-q.)
Quyidagilar yuridik shaxslardir: 
1) Oʻzbekiston Respublikasining qonunchiligiga muvofiq tashkil etilgan yuridik shaxslar 
(Oʻzbekiston Respublikasining yuridik shaxslari); 
(OʻzR 21.04.2021-y. OʻRQ-683-son Qonuni 
tahriridagi band) 

---

2) chet davlatlarning qonunchiligiga muvofiq tashkil etilgan, fuqarolik huquqiy layoqatiga 
ega boʻlgan chet el yuridik shaxslari (shu jumladan kompaniyalar va boshqa korporativ 
tuzilmalar); 
(OʻzR 21.04.2021-y. OʻRQ-683-son Qonuni tahriridagi band) 
3) xalqaro tashkilotlar. 
(2-q.)
Yuridik shaxsning hududiy jihatdan alohida boʻlgan, turgan yeri boʻyicha doimiy ish 
joylari jihozlangan har qanday boʻlinmasi Oʻzbekiston Respublikasi yuridik shaxsining alohida 
boʻlinmasidir. 
(3-q.)
Yuridik shaxsning alohida boʻlinmasini eʼtirof etish, unga qanday vakolatlar 
berilganligidan va uning tashkil etilishi boʻyicha yuridik shaxsning taʼsis hujjatlarida yoki boshqa 
tashkiliy-boshqaruv hujjatlarida aks ettirilganligi yoki aks ettirilmaganligidan qatʼi nazar, amalga 
oshiriladi. 
(4-q.)
Agar ish joyi bir oydan ortiq muddatga yaratilgan boʻlsa, u doimiy hisoblanadi. 
(5-q.)
Oʻzbekiston Respublikasi yuridik shaxsi alohida boʻlinmasining joylashgan yeri 
ushbu yuridik shaxs mazkur alohida boʻlinma orqali faoliyat olib boradigan joydir.