Oʻzbekiston respublikasining soliq kodeksi (Yangi tahriri) Oʻzbekiston Respublikasining

200-modda. Narxni belgilash toʻgʻrisidagi 
bitimning bajarilishini tekshirish 
(1-q.)
Narxni belgilash toʻgʻrisidagi bitimning soliq toʻlovchi tomonidan bajarilishini 
tekshirish ushbu Kodeksning 24-bobida nazarda tutilgan tartibga muvofiq Oʻzbekiston 
Respublikasi Davlat soliq qoʻmitasi tomonidan amalga oshiriladi. 
(2-q.)
Agar soliq toʻlovchi oʻzi tuzgan narxni belgilash toʻgʻrisidagi bitimning barcha 
shartlariga rioya qilgan boʻlsa, Oʻzbekiston Respublikasi Davlat soliq qoʻmitasi mazkur bitimda 
narxlari (narxlarni aniqlash usullari) kelishilgan nazorat qilinadigan bitimlarga nisbatan 
soliqlarning, penyalarning yoki jarimalarning qoʻshimcha hisoblanishini yoxud zarar summalarini 
kamaytirishni nazarda tutadigan qarorni qabul qilishga haqli emas. 
201-modda. Narxni belgilash toʻgʻrisidagi bitimni tugatish tartibi 
(1-q.)
Narxni belgilash toʻgʻrisidagi bitim uning amal qilish muddati oʻtganidan keyin 
tugatiladi yoki ushbu moddada nazarda tutilgan hollarda muddatidan ilgari tugatilishi mumkin. 
(2-q.)
Soliq toʻlovchi narxni belgilash toʻgʻrisidagi bitimni uning amal qilishi muddati 
davomida soliqlarning toʻliq toʻlanmasligini keltirib chiqargan holda buzgan taqdirda, 
Oʻzbekiston Respublikasi Davlat soliq qoʻmitasi rahbarining (rahbar oʻrinbosarining) qaroriga 
koʻra ushbu bitim muddatidan oldin tugatiladi. 
(3-q.)
Narxni belgilash toʻgʻrisidagi bitim taraflarning kelishuviga yoki sudning qaroriga 
koʻra ham muddatidan oldin bekor qilinishi mumkin. 
(4-q.)
Oʻzbekiston Respublikasi Davlat soliq qoʻmitasining narxni belgilash toʻgʻrisidagi 
bitimni tugatish haqidagi qarori soliq toʻlovchiga (uning vakiliga) undan tilxat olingan holda 
topshiriladi yoki unga qaror olingan sana toʻgʻrisida dalolat beruvchi boshqa usul bilan beriladi 
yoxud soliq toʻlovchiga tegishli qaror qabul qilingan kundan eʼtiboran besh kun ichida pochta 
orqali buyurtma xat bilan yuboriladi. 

---

(5-q.)
Soliq toʻlovchiga pochta orqali buyurtma xat bilan yuborilgan qaror ushbu buyurtma 
xat yuborilgan kundan eʼtiboran besh kun oʻtgach olingan deb hisoblanadi. 
(6-q.)
Soliq toʻlovchi Oʻzbekiston Respublikasi Davlat soliq qoʻmitasining narxni belgilash 
toʻgʻrisidagi bitimni tugatish haqidagi qarori ustidan qonunchilikda belgilangan tartibda sudga 
shikoyat qilishi mumkin. 
(OʻzR 21.04.2021-y. OʻRQ-683-son Qonuni tahriridagi qism)