Oʻzbekiston respublikasining soliq kodeksi (Yangi tahriri) Oʻzbekiston Respublikasining

17-modda. Soliqlarning va yigʻimlarning turlari 
(1-q.)
Oʻzbekiston Respublikasi hududida quyidagi soliqlar belgilanadi: 
1) qoʻshilgan qiymat soligʻi; 
2) aksiz soligʻi; 
3) foyda soligʻi; 
4) jismoniy shaxslardan olinadigan daromad soligʻi; 
5) yer qaʼridan foydalanganlik uchun soliq; 
5-1) foydali qazilmalarni qazib olganlik uchun maxsus renta soligʻi; 
(OʻzR 29.12.2021-y. 
OʻRQ-741-son Qonuniga muvofiq kiritilgan band) 
6) suv resurslaridan foydalanganlik uchun soliq; 
7) mol-mulk soligʻi; 
8) yer soligʻi; 
9) ijtimoiy soliq. 
(2-q.) 
Oʻzbekiston Respublikasi hududida yigʻimlar belgilanishi mumkin. Yigʻimlarni joriy 
etish, hisoblab chiqarish va toʻlash tartibi ushbu Kodeksda hamda boshqa qonunchilik hujjatlarida 
belgilanadi. 
(OʻzR 21.04.2021-y. OʻRQ-683-son Qonuni tahriridagi qism) 
(3-q.) 
Chet davlatlar avtotransport vositalarining Oʻzbekiston Respublikasi hududiga 
kirganligi va uning hududi orqali tranziti uchun yigʻimni hamda alkogol mahsulotlarini 
realizatsiya qilish huquqi uchun yigʻimlarni hisoblab chiqarish va toʻlash tartibi ushbu Kodeks 

---

bilan tartibga solinadi. 
(OʻzR 29.12.2021-y. OʻRQ-741-son Qonuni tahriridagi qism) (Oldingi 
tahririga qarang) 
(4-q.)
Davlat bojini hisoblab chiqarish va undirish tartibi davlat boji toʻgʻrisidagi 
qonunchilikda belgilanadi. 
(OʻzR 21.04.2021-y. OʻRQ-683-son Qonuni tahriridagi qism) 
18-modda. Maxsus soliq rejimlari 
(1-q.)
Soliq toʻlovchilarning ayrim toifalari uchun Oʻzbekiston Respublikasi hududida 
quyidagi maxsus soliq rejimlari belgilanadi: 
1) aylanmadan olinadigan soliq; 
2) mahsulot taqsimotiga oid bitimlar ishtirokchilariga soliq solishning alohida tartibi; 
3) maxsus iqtisodiy zonalar ishtirokchilariga va ayrim toifadagi soliq toʻlovchilarga soliq 
solishning alohida tartibi; 
4) Oʻzbekiston Respublikasining ayrim hududlarida soliq solishning alohida tartibi. 
(OʻzR 14.09.2021-y. OʻRQ-714-son Qonuni tahriridagi qism) (Oldingi tahririga qarang) 
(2-q.)
Maxsus iqtisodiy zonalar ishtirokchilariga va ayrim toifadagi soliq toʻlovchilarga soliq 
solishning alohida tartibi qonunchilikda yoki investitsiya bitimlarida nazarda tutilgan 
investitsiyalarni amalga oshirish hamda boshqa shartlarni bajarish bilan bogʻliq holda muayyan 
muddat uchun belgilanadi. 
(OʻzR 21.04.2021-y. OʻRQ-683-son Qonuni tahriridagi qism) 
(3-q.)
Maxsus soliq rejimlari ayrim soliqlarni toʻlashdan ozod etishni, pasaytirilgan soliq 
stavkalarini va boshqa soliq imtiyozlarini qoʻllashni nazarda tutishi mumkin.