O’zbekiston respublikasining soliq kodeksi I bo’lim. Umumiy qoidalar

63-modda. Ushbu Kodeksda qo’llaniladigan boshqa tushunchalar 
 
Ushbu Kodeksda qo’llaniladigan boshqa tushunchalar quyidagilardan iborat: 
ijara (lizing) to’lovi
– ijaraga beruvchiga (lizing beruvchiga) tuzilgan ijara 
(lizing) shartnomasi asosida ijarachi (lizing oluvchi) tomonidan to’lanadigan 
summa; 
ijaraga beruvchining (lizing beruvchining) foizdagi daromadi
–moliyaviy 
ijara (lizing) ob’ektining ijara (lizing) to’lovi summasi va qiymati o’rtasidagi farq; 
yaqin qarindoshlar
– qarindosh yoki qayin-bo’yin va quda-anda bo’lgan 
shaxslar, ya’ni ota-ona, tug’ishgan va o’gay aka-uka va opa-singillar, er, xotin, 
farzandlar, shu jumladan farzandlikka olinganlar, buvalar, buvilar, nevaralar, 
shuningdek erning (xotinning) tug’ishgan va o’gay aka-ukalari hamda opa-singillari; 
nazorat-kassa texnikasi
– fiskal xotira bilan jihozlangan nazorat-kassa 
mashinalari, fiskal to’plagichlardagi ma’lumotlarni yozib olishni va saqlashni 
ta’minlovchi, fiskal hujjatlarni shakllantiruvchi, fiskal hujjatlarni soliq organlariga 
fiskal ma’lumotlar operatori orqali topshirishni ta’minlovchi hamda fiskal 
hujjatlarni nazorat-kassa texnikasining qo’llanilishi to’g’risidagi qonun hujjatlarida 
belgilangan talablarga muvofiq qog’ozda chop etuvchi boshqa qurilmalar hamda 
dasturiy-texnik komplekslar. 
umidsiz qarz
- sud qarori bilan majburiyatning bekor qilinishi, bankrotlik, 
tugatish, qarzdorning vafoti munosabati bilan yoki da’vo muddati tugashi 
munosabati bilan to’lanishi mumkin bo’lmagan qarz; 
ortiqcha to’langan soliq summasi (penya, jarima)
- hisobga olingan va 
qaytarilgan summalarni hisobga olgan holda to’langan (undirilgan) soliq (penyalar, 
jarimalar) summasi va aniklashtirilgan soliq hisobotlarini hisobga olgan holda 
tegishli soliq turi bo’yicha shaxsiy hisobvaraqlarida to’lashga xisoblangan soliq 
(penyalar, jarimalar) summasi o’rtasidagi ijobiy farq, bundan tegishli hisobot 
davrida kelgusi majburiyatlar uchun to’langan summalar mustasno. Ushbu 
Kodeksda belgilangan tartibda qoplanishi lozim bo’lgan hisobga olingan qo’shilgan 
qiymat solig’i summaning hisoblangan qo’shilgan qiymat solig’i summadan xosil 
bo’lgan ortik summasi qo’shilgan qiymat solig’i bo’yicha ortiqcha to’langan summa 
deb hisoblanmaydi; 

---

59