O’zbekiston respublikasining soliq kodeksi I bo’lim. Umumiy qoidalar

49-modda. Tovarlar va xizmatlarni realizatsiya qilish
 
Tovarlarga bo’lgan mulk huquqini haq olish asosida o’tkazish yoki haq evaziga 
xizmatlar ko’rsatish, shu jumladan qarzdor garov bilan ta’minlangan 
majburiyatlarini bajarmaganda garovga qo’yilgan tovarlarni ayirboshlash va 
o’tkazish tovarlarni yoki xizmatlarni realizatsiya qilish deb e’tirof etiladi. 
Ushbu Kodeksda nazarda tutilgan hollarda tovarlarga bo’lgan mulk huquqini 
bepul asosda o’tkazish yoki bepul asosda xizmatlar ko’rsatish ham deb e’tirof 
etiladi.
Tovarlarni yoki xizmatlarni realizatsiya qilish joyi va payti ushbu Kodeksning 
X bo’limiga muvofiq aniqlanadi. 
Agar ushbu Kodeksda boshqacha qoida nazardat tutilmagan bo’lsa, quyidagilar 
tovarlarni yoki xizmatlarni realizatsiya qilish deb e’tirof etilmaydi: 
1) milliy yoki chet el valyutasi muomalasi bilan bog’liq operatsiyalarni amalga 
oshirish (numizmatika maqsadlari bundan mustasno); 

---

43 
2) yuridik shaxsning asosiy vositalarini, nomoddiy aktivlarini va (yoki) boshqa 
mol-mulkini ushbu yuridik shaxs qayta tashkil etilganda uning huquqiy vorisiga 
(huquqiy vorislariga) o’tkazish; 
3) oddiy shirkat shartnomasi (birgalikdagi faoliyat to’g’risidagi shartnoma) 
bo’yicha hissa va shirkatning oddiy shirkat shartnomasi (birgalikdagi faoliyat 
to’g’risidagi shartnoma) ishtirokchisiga to’lagan badallari doirasida mol-mulkni, 
uning shartnoma ishtirokchilarining umumiy mulkida bo’lgan mol-mulkdan ulushi 
ajratib olingan yoki bunday mol-mulk taqsimlangan taqdirda, o’tkazish;
4) mol-mulkni O’zbekiston Respublikasi qonun hujjatlariga muvofiq 
kontsessiya bitimi bo’yicha o’tkazish; 
5) bitim O’zbekiston Respublikasi fuqarolik qonun hujjatlari normalariga 
muvofiq haqiqiy emas deb topilganligi (restitutsiya) natijasida tovarlarni uning 
sotuvchisiga qaytarish; 
6) Ishonchli boshqaruv ta’sischisi tomonidan ishonchli boshqaruvchiga 
berilgan mol-mulk va ishonchli boshqaruv shartnomasi bekor qilinganda ishonchli 
boshqaruvchi tomonidan unga ishonchli boshqaruvga berilgan mol-mulkning 
qaytarilishi. 
7) ushbu Kodeksda nazarda tutilgan hollarda boshqa operatsiyalar.