O’zbekiston respublikasining soliq kodeksi I bo’lim. Umumiy qoidalar

44-modda. Dividendlar va foizlar 

---

36 
 
Quyidagilar dividendlar deb e’tirof etiladi: 
1) yuridik shaxsning foydasini (shu jumladan imtiyozli aktsiyalar bo’yicha 
foizlar tarzidagi) ushbu yuridik shaxsning aktsiyadorga (ishtirokchiga) tegishli 
aktsiyalar (ulushlar) bo’yicha taqsimlash chog’ida aktsiyador (ishtirokchi) 
tomonidan olingan har qanday daromad; 
2) tugatish chog’ida yuridik shaxsning aktsiyadoriga (ishtirokchisiga) ushbu 
aktsiyadorning (ishtirokchining) yuridik shaxsning ustav kapitaliga kiritgan badali 
miqdoridan ko’p bo’lgan qism bo’yicha pullik yoki natural shakldagi to’lovlar. 
Ushbu modda birinchi qismining 1 va 2-bandlarida ko’rsatilgan daromadlar, 
agar ular aktsiyadorlarning (ishtirokchilarning) bunday daromadni to’lovchi yuridik 
shaxsning ustav kapitalidagi ulushlariga mutanosib ravishda to’lansa, dividendlar 
deb e’tirof etiladi. 
O’zbekiston Respublikasidan tashqaridagi manbalardan olinadigan, chet 
davlatlarning qonun hujjatlariga muvofiq dividendlar jumlasiga kiritiladigan har 
qanday daromadlar ham dividendlar deb e’tirof etiladi. 
Yuridik shaxsning aktsiyadorlariga (ishtirokchilariga) ushbu yuridik shaxsning 
aktsiyalarini mulk qilib o’tkazish tarzidagi to’lovlar dividendlar deb e’tirof 
etilmaydi. 
Ilgari bildirilgan (belgilangan) har qanday daromad, shu jumladan har qanday 
turdagi qarz majburiyatlari bo’yicha diskont tarzida olingan daromad (uni 
rasmiylashtirish usulidan qat’iy nazar) foizlar deb e’tirof etiladi. Bunda, xususan, 
pul qo’yilmalari va qarz majburiyatlari bo’yicha olingan daromadlar ham foizlar deb 
e’tirof etiladi.
45-modda.
Daromadlar 
 
Nafni baholash imkoniyati mavjud bo’lgan taqdirda va bunday nafni baholash 
mumkin bo’lgan darajada hisobga olinadigan pul yoki natura shaklidagi iqtisodiy 
naf daromad deb e’tirof etiladi.