O’zbekiston respublikasining soliq kodeksi I bo’lim. Umumiy qoidalar

 
142-modda. Sayyor soliq tekshiruvi 
 
Soliq to’lovchilarning soliqlar va yig’imlarni hisoblab chiqarish hamda to’lash 
sohasidagi ayrim majburiyatlarni, shuningdek boshqa majburiyatlarni tekshirish 
sayyor soliq tekshiruvidir. 
Sayyor soliq tekshiruvi chog’ida hisobga olishga doir hujjatlarni, tovar-moddiy 
qimmatliklarning harakatini, pul mablag’lari oqimining va soliq to’lovchining 
faoliyati bilan bog’liq bo’lgan boshqa axborotni o’rganish amalga oshiriladi
Sayyor soliq tekshiruvlarini o’tkazish chog’ida soliq organlari, xususan, 
profilaktika tadbirlarini va xronometraj tekshiruvini amalga oshirishga, nazora-
kassa texnikasining qo’llanilishini tekshiruvdan o’tkazishga, uchinchi shaxslarni 
muqobil soliq tekshiruvlarini o’tkazishga hamda ularda ushbu bo’limda nazarda 
tutilgan, tekshirilayotgan shaxsga taalluqli bo’lgan hujjatlarni va axborotni talab 
qilishga haqli. 
Sayyor soliq tekshiruvi soliq organi rahbarining (rahbar o’rinbosarining) 
buyrug’i asosida amalga oshiriladi, buyruqda soliq to’lovchining familiyasi, ismi, 
otasining ismi hamda tekshiruvchi shaxslarning lavozimi, tekshiruvlarni o’tkazish 
muddatlari va maqsadi (o’rganiladigan tekshiruvlar) ko’rsatiladi. 
Sayyor soliq tekshiruvi ko’pi bilan 10 kun muddat amalga oshiriladi. 
Sayyor soliq tekshiruvini tayinlash to’g’risidagi buyruqda ko’rsatilgan sana 
sayyor soliq tekshiruvini o’tkazishni boshlash muddati deb hisoblanadi. 
Soliq to’lovchiga sayyor soliq tekshiruvi dalolatnomasi topshirilgan kun sayyor 
soliq tekshiruvi tugallangan muddat deb hisoblanadi. 
Soliq organining mansabdor shaxslari o’zlari amalga oshirgan harakatlar 
to’g’risida ma’lumotnoma (dalolatnoma, bayonnoma) tuzadi va ma’lumotnomaning 
ko’chirma nushasi soliq to’lovchiga taqdim etiladi. 
Sayyor soliq tekshiruvini o’tkazish chog’ida soliq organlari tomonidan soliqlar 
va yig’imlar hisoblanmaydi. 
Sayyor soliq tekshiruvini o’tkazish to’g’risidagi nizom O’zbekiston 
Respublikasi Davlat soliq qo’mitasi tomonidan tasdiqlanadi. 

---

144