O’zbekiston respublikasining soliq kodeksi I bo’lim. Umumiy qoidalar

137-modda. Banklarning soliq nazoratini amalga oshirish bilan 
bog’liq majburiyatlari 

---

140 
 
Banklar yuridik shaxslarga va yakka tartibdagi tadbirkorlarga faqat soliq 
organida hisobga qo’yilganligi to’g’risida guvohnoma taqdim etilgan taqdirda 
hisobvaraqlar ochishga haqli. 
Bank har qanday yuridik yoki jismoniy shaxsning (bundan buyon ushbu 
moddada mijoz deb yuritiladi) hisobvarag’i yoki hissasi (depoziti) ochilganligi 
(yopilganligi), hisobvarag’i yoki hissasi (depoziti) rekvizitlari o’zgartirilganligi 
to’g’risidagi axborotni tegishli hodisa ro’y bergan kundan e’tiboran uch kun ichida 
elektron shaklda, o’zi joylashgan erdagi soliq organiga ma’lum qilishi shart. 
Bank tomonidan ushbu moddaning ikkinchi qismida nazarda tutilgan axborotni 
ma’lum qilish tartibi va shakllari O’zbekiston Respublikasi Davlat soliq qo’mitasi 
bilan kelishuvga ko’ra O’zbekiston Respublikasi Markaziy banki tomonidan 
belgilanadi. 
Soliq organining bank mijoziga nisbatan axborot taqdim etish to’g’risidagi 
asoslantirilgan so’roviga ko’ra, so’rov yuborilgan banklar tegishli yozma so’rov 
olingan kundan e’tiboran uch kun ichida soliq organlariga quyidagilarni berishi 
shart: 
1)
bankda hisobvaraqlar va hissalar (depozitlar) mavjudligi to’g’risidagi 
ma’lumotlarni; 
2)
hisobvaraqlar va hissalardagi (depozitlardagi) pul mablag’lari qoldiqlari 
haqidagi ma’lumotlarni; 
3)
hisobvaraqlardagi operatsiyalarga doir va hissalar (depozitlar) bo’yicha 
ko’chirmalarni. 
Ushbu moddaning oltinchi qismida nazarda tutilgan axborot ham O’zbekiston 
Respublikasining xalqaro shartnomalarida nazarda tutilgan hollarda chet davlatning 
vakolatli organining so’rovi asosida soliq organlari tomonidan bankda so’rab 
olinishi mumkin. 
Soliq organi tomonidan bankka so’rov yuborish shakli va tartibi O’zbekiston 
Respublikasi Davlat soliq qo’mitasi tomonidan belgilanadi. 
Banklar tomonidan soliq organlarining so’rovlariga ko’ra axborot taqdim etish 
shakli va tartibi O’zbekiston Respublikasi Davlat soliq qo’mitasi bilan kelishilgan 
holda O’zbekiston Respublikasi Markaziy banki tomonidan belgilanadi.