O’zbekiston respublikasining soliq kodeksi I bo’lim. Umumiy qoidalar

XX BO’LIM. SOLIQ TO’LOVChILARGA SOLIQ SOLIShNING 
O’ZIGA XOS XUSUSIYaTLARI 
 
68-bob. To’g’ridan-to’g’ri xususiy chet el investitsiyalari ishtirokidagi 
yuridik shaxslarga soliq solishning o’ziga xos xususiyatlari 
 
486-modda. To’g’ridan-to’g’ri xususiy chet el investitsiyalari ishtirokidagi 
yuridik shaxslar uchun maxsus soliqqa solish qoidalarni qo’llash shartlari
To’g’ridan-to’g’ri xususiy chet el investitsiyalarini jalb etgan holda tashkil 
etilgan va qonun hujjatlarida tasdiqlanadigan ro’yxat bo’yicha mahsulot ishlab 
chiqarishga ixtisoslashgan yuridik shaxslar uchun ayrim soliqlar bo’yicha 
imtiyozlarni qo’llashning o’ziga xos xususiyatlari nazarda tutiladi. 
To’g’ridan-to’g’ri xususiy chet el investitsiyalari deganda chet davlatning 
fuqarolari bo’lgan jismoniy shaxslar, O’zbekiston Respublikasi hududidan 
tashqarida doimiy yashovchi fuqaroligi bo’lmagan shaxslar, shuningdek chet el 
nodavlat yuridik shaxslari tomonidan amalga oshiriladigan investitsiyalar 
tushuniladi. 
Ushbu moddaning birinchi qismida ko’rsatilgan yuridik shaxslar kiritilgan 
to’g’ridan-to’g’ri xususiy chet el investitsiyalari hajmiga qarab, er solig’i, mol-mulk 
solig’i va aylanmadan olinadigan soliqni to’lashdan 3 yildan 7 yilgacha muddatga 
ozod etiladi.
To’g’ridan-to’g’ri xususiy chet el investitsiyalari ishtirokidagi korxona qonun 
hujjatlarida nazarda tutilgan boshqa imtiyozlardan foydalanishga haqli. 
Shunga o’hshash imtiyozlar erkin iqtisodiy zonalar ishtirokchilari uchun 
konun hujjatlarida belgilangan tartibda beriladi. 
487-modda. To’g’ridan-to’g’ri xususiy chet el investitsiyalari ishtirokidagi 
yuridik shaxslar tomonidan soliq imtiyozlarini qo’llash tartibi 
 
Ushbu Kodeksning 492-moddasida nazarda tutilgan soliqlar bo’yicha 
imtiyozlar quyidagi hollarda qo’llaniladi: 
yuridik 
shaxslar 
qonun 
hujjatlarida 
belgilanadigan 
hududlarda 
joylashtirilganda; 

---

440 
chet ellik investorlar tomonidan to’g’ridan-to’g’ri xususiy chet el 
investitsiyalari O’zbekiston Respublikasining kafolati berilmagan holda amalga 
oshirilganda; 
yuridik shaxslarning ustav fondida (ustav kapitalida) chet ellik 
ishtirokchilarning ulushi kamida 33 foiz, aktsiyadorlik jamiyatlari uchun esa, 
kamida 15 foiz bo’lganda;
chet el investitsiyalari erkin almashtiriladigan valyuta yoki yangi zamonaviy 
texnologik asbob-uskuna tarzida kiritilganda; 
soliqlar va boshqa majburiy to’lovlar bo’yicha imtiyozlar berilganligi 
natijasida ularning qo’llanilishi muddati mobaynida olingan daromadlarning kamida 
50 foizi yuridik shaxsni yanada rivojlantirish maqsadida qayta investitsiyalashga 
yo’naltirilganda. 
Soliqlar va boshqa majburiy to’lovlar bo’yicha ushbu Kodeksning 492-
moddasida nazarda tutilgan imtiyozlarni olgan to’g’ridan-to’g’ri xususiy chet el 
investitsiyalari ishtirokidagi yuridik shaxs imtiyozlar berilgan muddat o’tganidan 
keyin bir yil o’tmasdan faoliyatini tugatgan taqdirda, chet ellik investorning 
foydasini o’z mamlakatiga o’tkazish va kapitalini chet elga olib chiqib ketish faqat 
soliqlar bo’yicha berilgan imtiyozlarning summalari byudjetga o’rni qoplanganidan 
keyin amalga oshiriladi. 
Ushbu bobda nazarda tutilgan shartlarga nomuvofiqlik aniqlangan taqdirda, 
soliqlar bo’yicha ushbu Kodeksning 492-moddasida nazarda tutilgan imtiyozlarni 
olgan to’g’ridan-to’g’ri xususiy chet el investitsiyalari ishtirokidagi yuridik shaxs 
belgilangan talablarga muvofiq bo’lmagan davr uchun soliqlar va boshqa majburiy 
to’lovlar ushbu Kodeksning IV bo’limida nazarda tutilgan moliyaviy sanktsiyalar 
qo’llanilgan holda umumbelgilangan tartibda to’lanadi.