O’zbekiston respublikasining soliq kodeksi I bo’lim. Umumiy qoidalar

230-modda. 
Soliq 
agenti 
tomonidan 
soliq 
organiga 
noto’g’ri 
ma’lumotlar mavjud bo’lgan hujjatlarni taqdim etish
Soliq agenti tomonidan soliq organiga ushbu Kodeksda nazarda tutilgan, 
noto’g’ri ma’lumotlar mavjud bo’lgan hujjatlarni taqdim etish, – 
noto’g’ri ma’lumotlar mavjud bo’lgan har bir hujjat uchun 50 ming miqdorda 
jarima undirishga sabab bo’ladi. 
Agar soliq agenti tomonidan xatolar mustaqil ravishda aniqlangan va o’zi 
taqdim etgan hujjatlardagi noto’g’ri ma’lumotlar soliq organi tomonidan 
aniqlanganligi to’g’risida bilgan paytga qadar soliq organiga aniqlashtirilgan 
hujjatlar taqdim etilgan bo’lsa, soliq agenti javobgarlikdan ozod qilinadi. 
231-modda. Soliq organiga ma’lumotlar to’g’risida g’ayriqonuniy 
ravishda xabar bermaslik
Ushbu Kodeksga muvofiq shaxs tomonidan soliq organiga xabar berilishi 
lozim bo’lgan ma’lumotlar to’g’risida ushbu shaxs tomonidan g’ayriqonuniy tarzda 
xabar bermaslik (o’z vaqtida xabar bermaslik) ushbu Kodeksning 235-moddasida 
nazarda tutilgan soliqqa oid huquqbuzarliklar belgilari mavjud bo’lmasa, – 
500 ming so’m miqdorda jarima undirishga sabab bo’ladi. 
O’sha qilmishlar kalendar yil davomida takror sodir etilgan bo’lsa, – 
2 million so’m miqdorda jarima undirishga sabab bo’ladi. 
Chet ellik yuridik shaxs (yuridik shaxs tashkil etmagan chet el tuzilmaviy 
bo’linmasi) bo’lgan soliq to’lovchi tomonidan soliq organiga ushbu Kodeks 23-
moddasining to’rtinchi qismida nazarda tutilgan ma’lumotlarni g’ayriqonuniy tarzda 
taqdim etmaslik (o’z vaqtida taqdim etmaslik), – 
ushbu Kodeks 23-moddasining to’rtinchi qismida nazarda tutilgan 
ma’lumotlarni taqdim etmagan (o’z vaqtida taqdim etmagan) ushbu chet ellik 
yuridik shaxsga (yuridik shaxs tashkil qilmagan chet el tuzilmaviy bo’linmasiga) 
tegishli bo’lgan ko’chmas mol-mulk ob’ektiga nisbatan hisoblab chiqarilgan, 

---

230 
yuridik shaxslardan olinadigan mol-mulk solig’i summasidan 100 foiz miqdorida 
jarima undirishga sabab bo’ladi. 
Mazkur jarimaning summasi chet ellik yuridik shaxsning ushbu ma’lumotlarni 
taqdim etmagan (o’z vaqtida taqdim etmagan) nazorat qiluvchi shaxslaridan ushbu 
chet ellik yuridik shaxsda ishtirok etish ulushiga mutanosib ravishda undiriladi. 
Shaxsning chet ellik yuridik shaxsda (yuridik shaxs tashkil etmagan chet el 
tuzilmasida) ishtirok etishi ulushini aniqlash mumkin bo’lmaganda jarima summasi 
ishtirokchilardan ularning soniga mutanosib ravishda undiriladi.