O‘zbekiston respublikasining shaharsozlik kodeksi 1-bob. Umumiy qoidalar 1-modda. Ushbu Kodeksning maqsadi

33-modda. Qurilish materiallariga, buyumlariga va konstruksiyalariga qo‘yiladigan
talablar, ularni shaharsozlik hujjatlariga kiritish shartlari
Qurilish materiallari, buyumlari va konstruksiyalari texnik jihatdan tartibga solish sohasidagi
normativ hujjatlar talablariga javob berishi kerak.
Shaharsozlik hujjatlarida qurilish materiallari, buyumlari va konstruksiyalarining xavfsizlik
ko‘rsatkichlari qayd etiladi.
Shaharsozlik hujjatlarida qurilish materiallari, buyumlari va konstruksiyalari qurilishning
texnik-iqtisodiy asoslari hamda loyiha yechimlarining talablaridan kelib chiqqan holda tanlab
olinadi.
34-modda. Shaharsozlik faoliyatini sug‘urta qilish
O‘zbekiston Respublikasi Davlat budjeti mablag‘lari va hukumat kafolati ostidagi kreditlar
hisobiga moliyalashtiriladigan qurilish obyektlari bo‘yicha qurilish tavakkalchiliklarini majburiy
sug‘urta qilish amalga oshiriladi.
Binolar, inshootlar, asbob-uskunalar, mashinalar, ularning ehtiyot qismlari, materiallar va
qurilish maydonidagi hamda sug‘urta shartnomasida belgilangan qurilish va montaj predmetidan
iborat bo‘lgan boshqa mol-mulk, shuningdek qurilish-montaj ishlarini amalga oshirishda uchinchi
shaxslarning hayotiga, sog‘lig‘iga va mol-mulkiga zarar yetkazilganligi uchun sug‘urta
qildiruvchining javobgarligi sug‘urta obyektlaridir.
Obyektlarni davlat kapital qo‘yilmalari hisobiga barpo etishda qurilish tavakkalchiliklarini
sug‘urta qilish qurilish tavakkalchiliklarini majburiy sug‘urta qilish xarajatlari obyekt qurilishining
umumiy qiymatiga kiritilgan holda amalga oshiriladi. Boshqa manbalar hisobiga
moliyalashtiriladigan qurilish obyektlari bo‘yicha sug‘urta qilish ixtiyoriy asosda amalga oshiriladi.
6-bob. Shaharsozlik faoliyati sohasidagi jamoatchilik nazorati
35-modda. Shaharsozlik faoliyati sohasidagi jamoatchilik nazoratining shakllari
Shaharsozlik faoliyati sohasidagi jamoatchilik nazorati jamoatchilik muhokamasi, jamoatchilik
ekspertizasi shakllarida va qonun hujjatlariga zid bo‘lmagan boshqa shakllarda amalga oshiriladi.

---

Jamoatchilik nazoratining natijalari bo‘yicha axborotga oid va tavsiyaviy xususiyatga ega
bo‘lgan takliflarni o‘z ichiga olgan yakuniy hujjat tayyorlanadi.
Yakuniy hujjatda bayon etilgan axborot, tavsiyalar va takliflar shaharsozlik faoliyati sohasidagi
davlat boshqaruvi organlari tomonidan majburiy tartibda ko‘rib chiqiladi hamda ular yuzasidan
tegishli qarorlar qabul qilinadi.