O‘zbekiston Respublikasining Milliy аrхiv fоndi

4-ilоvа
Kоnsеptuаl jаdvаl

Arxiv saqlovxonalarida hujjatlarni asrash uchun zarur bo‘lgan

harorat va namlik rejimi

Hujjatlarning turi	Harorat rejimi	Nisbiy namlik rejimi
Qog‘ozga bitilgan hujjatlar	+17 +19 daraja	50 – 55 foizni
Kinoplyonkalar va fotosuratlar	+10 +15 daraja	40 – 50 foiz
Magnit lentalar va
elektron tashuvchilardagi hujjatlar	+8 +18 daraja	45 – 65 foiz

Saqlovxona (hujjatlarni saqlash xonasi) arxivdagi laboratoriya va boshqa xonalardan imkon qadar uzoqroq joylashib, ular bilan umumiy ventilyatsiya tizimiga ega bo‘lmasligi lozim. Saqlovxonada suv ta’minoti va kanalizatsiya quvurlari o‘tkazishga yo‘l qo‘yilmaydi. Saqlovxona tabiiy yoki sun’iy ventilyatsiya (havo tozalash) tizimiga ega bo‘lishi kerak. Bu tizim havoni tozalab turish barobarida saqlovxonada barqaror harorat va namlik rejimini ta’minlab turishi lozim. Arxiv binosi signalizatsiya vositalari va videokameralar bilan jihozlanadi.
Arxiv xonalarining derazalariga, shuningdek, devor, shift va pollardagi ventilyatsiya tuynuklariga to‘r (setka) qoplanadi. To‘r yacheykalarining diametri 0,5 mm dan oshmasligi lozim.
Hasharot va mog‘orlarga qarshi kurash olib borish maqsadida yilda ikki marta arxiv hujjatlarining ba’zilari tanlab olinib, ekitomologik va mikologik ko‘rikdan o‘tkaziladi. Biologik zararkunandalar qayd etilishi bilanoq hujjatlar, saqlovxonalar va saqlov vositalariga kimyoviy ishlov beriladi. Sanitariya-gigiena ishlarini amalga oshirish maqsadida arxivlarda sanitariya kunlari o‘tkaziladi.