O‘zbekiston Respublikasining Iqtisodiy protsessual kodeksi

13-bob. Protsessual muddatlar
119-modda. Protsessual muddatlarni belgilash va hisoblash
Protsessual harakatlar ushbu Kodeksda yoki boshqa qonunlarda belgilangan muddatlarda amalga oshiriladi, protsessual muddatlar belgilanmagan hollarda esa ular sud tomonidan tayinlanadi.
Protsessual harakatlarni amalga oshirish muddatlari albatta yuz berishi kerak bo‘lgan voqea ko‘rsatilgan aniq kalendar sana bilan yoki vaqtning harakat amalga oshirilishi mumkin bo‘lgan davri bilan belgilanadi.
LexUZ sharhi
Qarang: mazkur Kodeks 68-moddasining uchinchi qismi, 86-moddasining uchinchi qismi, 91-moddasining uchinchi qismi, 133-moddasining beshinchi qismi, 142-moddasining birinchi qismi, 143-moddasining ikkinchi qismi, 146-moddasining birinchi qismi, 147-moddasining birinchi qismi, 156-moddasining birinchi qismi, 158-moddasining ikkinchi qismi, 159-moddasining to‘rtinchi qismi, 164-moddasi, 171-moddasining uchinchi qismi, 172-moddasining ikkinchi qismi, 190-moddasining uchinchi qismi, 191-moddasining uchinchi qismi, 192-moddasining birinchi qismi, 197-moddasining birinchi qismi, 198-moddasi, 199-moddasining uchinchi qismi, 200-moddasining uchinchi qismi, 217-moddasi, 221-moddasining birinchi qismi, 229-moddasining oltinchi — sakkizinchi qismlari, 237-moddasining ikkinchi qismi, 244-moddasining ikkinchi-uchinchi qismlari, 248-moddasining to‘rtinchi qismi, 254-moddasining birinchi qismi, 261-moddasining ikkinchi qismi, 262, 266-moddalari, 270-moddasining birinchi qismi, 271, 277-moddalari, 284-moddasining ikkinchi qismi, 285, 289-moddalari, 293-moddasining birinchi qismi, 300, 310, 319, 328, 332-moddalari, 338 — 341-moddalari, 342-moddasining ikkinchi-uchinchi qismlari, 344-moddasining uchinchi qismi, 345-moddasining uchinchi qismi, 346-moddasining ikkinchi qismi.
Protsessual muddatlar yillar, oylar va kunlar bilan hisoblanadi.
Yillar, oylar yoki kunlar bilan hisoblanadigan protsessual muddatning o‘tishi kalendar sananing ertasidan yoki boshlanishi aniqlangan voqea yuz bergan kundan boshlanadi.
LexUZ sharhi
Qo‘shimcha ma’lumot uchun qarang: Oliy xo‘jalik sudi Plenumining 19.06.2015-yildagi 283-sonli “Iqtisodiy sudlar tomonidan protsessual muddatlarga oid qonun normalarini qo‘llashning ayrim masalalari to‘g‘risida”gi qarorining 2, 3-bandlari.