O‘zbekiston Respublikasining Iqtisodiy protsessual kodeksi

42-modda. Ishda ishtirok etuvchi shaxslarning huquq va majburiyatlari
Ishda ishtirok etuvchi shaxslar ish materiallari bilan tanishish, ulardan ko‘chirmalar olish, ko‘chirma nusxa olish, rad qilish to‘g‘risida ariza berish, dalillar taqdim etish, dalillarni tekshirishda ishtirok etish, savollar berish, iltimosnomalar kiritish, arz qilish, sudga og‘zaki va yozma tushuntirishlar berish, ishni ko‘rish davomida yuzaga keladigan barcha masalalar bo‘yicha o‘z vajlarini, xulosalarini taqdim qilish, ishda ishtirok etuvchi boshqa shaxslarning iltimosnomalari, vajlariga e’tiroz bildirish, sud hujjatlari ustidan shikoyat qilish (protest keltirish) hamda ushbu Kodeksda o‘zlariga berilgan boshqa protsessual huquqlardan foydalanish huquqiga ega.
LexUZ sharhi
Qarang: mazkur Kodeks 22-moddasining uchinchi qismi, 80, 93-moddalari, 160-moddasining birinchi qismi, 259, 270-moddalari, 275-moddasining birinchi qismi, 282, 293-moddalari, 298-moddasining birinchi — uchinchi qismlari, 311-moddasining birinchi qismi.
Ishda ishtirok etuvchi shaxslar ushbu Kodeksda nazarda tutilgan protsessual majburiyatlarga ega va ular o‘zlariga tegishli barcha protsessual huquqlardan insofli ravishda foydalanishi kerak.
LexUZ sharhi
Qarang: mazkur Kodeks 22-moddasining birinchi qismi, 47-moddasi, 48-moddasining ikkinchi qismi, 49-moddasining oltinchi qismi, 50-moddasining birinchi qismi, 68-moddasining birinchi qismi, 69-moddasining uchinchi — yettinchi qismlari, 129, 136, 150-moddalari, 167-moddasining birinchi — beshinchi qismlari, 220-moddasi, 239-moddasining birinchi qismi.
Oldingi tahrirga qarang.
Korporativ nizoda ishtirok etayotgan taraflar bir-biridan va guvohlardan sudda ko‘rilayotgan ishga taalluqli bo‘lishi mumkin bo‘lgan barcha hujjatlarni so‘rab olish huquqiga ega, bundan davlat sirini yoki qonun bilan qo‘riqlanadigan boshqa sirni tashkil etuvchi hujjatlar mustasno.
(42-modda O‘zbekiston Respublikasining 2020-yil 5-oktabrdagi O‘RQ-640-sonli Qonuniga asosan uchinchi qism bilan to‘ldirilgan — Qonun hujjatlari ma’lumotlari milliy bazasi, 05.10.2020-y., 03/20/640/1348-son)