O‘zbekiston respublikasining fuqarolik protsessual kodeksi I bo‘lim. Umumiy qoidalar 1-bob. Asosiy qoidalar

304-modda. Farzandlikka olishning bekor qilinishi
Oldingi
 tahrirga qarang.
Farzandlikka olishni bekor qilish to‘g‘risidagi ishlarni ko‘rib chiqish va hal etish da’vo ishlarini
yuritish tartibida hamda oila to‘g‘risidagi qonunchilikda ko‘rsatilgan asoslar bo‘yicha amalga
oshiriladi.
(304-moddaning matni O‘zbekiston Respublikasining 2021-yil 21-apreldagi O‘RQ-683-sonli 
Qonuni
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
30-bob. Fuqaroni bedarak yo‘qolgan deb topish va fuqaroni vafot etgan deb e’lon qilish
305-modda. Ariza berish va uning mazmuni
Fuqaroni bedarak yo‘qolgan deb topish yoki vafot etgan deb e’lon qilish to‘g‘risidagi ariza
manfaatdor shaxs tomondan bedarak yo‘qolgan fuqaroning oxirgi ma’lum bo‘lgan yashash joyidagi
sudga beriladi.
Oldingi
 tahrirga qarang.
Sud fuqaroni bedarak yo‘qolgan deb topish yoki vafot etgan deb e’lon qilish to‘g‘risidagi
arizani ko‘rib chiqishga qonunchilikda belgilangan muddatlar o‘tganidan so‘ng kirishadi.
(305-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Arizada fuqaroni bedarak yo‘qolgan deb topish yoki uni vafot etgan deb e’lon qilish arizachiga
qanday maqsadlar uchun zarur ekanligi ko‘rsatilishi, shuningdek fuqaroning bedarak
yo‘qolganligini tasdiqlaydigan yoxud bedarak yo‘qolgan shaxsga o‘lim xavfini solgan yoki u
muayyan baxtsiz voqea tufayli halok bo‘lgan deb taxmin qilishga asos bo‘ladigan holatlar bayon
qilinishi kerak.
306-modda. Ishni sud muhokamasiga tayyorlash
Sudya ishni sud muhokamasiga tayyorlashda bedarak yo‘qolgan shaxs to‘g‘risida kimlar
(qarindosh-urug‘lari, birga ishlovchilar va boshqalar) ma’lumot bera olishi mumkinligini aniqlaydi,
shuningdek bedarak yo‘qolganning ma’lum bo‘lgan so‘nggi yashash joyi va ish joyidagi tegishli
tashkilotlardan (ichki ishlar organlaridan, fuqarolarning o‘zini o‘zi boshqarish organlaridan) bedarak
yo‘qolgan shaxs to‘g‘risida bor ma’lumotlarni so‘rab oladi.
Sudya arizani qabul qilib olgach, ayni vaqtda vasiylik va homiylik organiga bedarak
yo‘qolganning mol-mulkini saqlash, shuningdek uni boshqarish uchun shaxsni tayinlashni taklif
qilishi mumkin.