O‘zbekiston respublikasining fuqarolik protsessual kodeksi I bo‘lim. Umumiy qoidalar 1-bob. Asosiy qoidalar

28-bob. Yuridik ahamiyatga ega bo‘lgan faktlarni aniqlash
295-modda. Sud tomonidan ko‘rib chiqiladigan, yuridik ahamiyatga ega bo‘lgan faktlarni
aniqlash to‘g‘risidagi ishlar
Sud fuqarolarning yoki tashkilotlarning shaxsiy, mulkiy huquqlari yuzaga kelishiga,
o‘zgarishiga yoki tugashiga sabab bo‘ladigan faktlarni aniqlaydi.
Sud:
1) shaxslarning qarindoshlik aloqalari;
2) shaxs birovning qaramog‘ida ekanligi;
3) otalikni tan olish (belgilash), bolaning u yoki bu onadan tug‘ilganligi, shuningdek tug‘ilgan
vaqti;
4) farzandlikka olishni, nikohni, nikohdan ajratishni va o‘limni qayd etilganligi;
5) er-xotindan biri vafot etganligi oqibatida fuqarolik holati dalolatnomalarini qayd etish
organlarida nikohni ro‘yxatdan o‘tkazish mumkin bo‘lmay qolsa, qonunda belgilangan hollarda
ularning haqiqatda nikoh munosabatlarida bo‘lganligi;
Oldingi
 tahrirga qarang.
6) shaxsning huquqini belgilovchi hujjatlarda (bundan jamoat birlashmalariga a’zolik biletlari,
harbiy hujjatlar, pasportlar yoki identifikatsiyalovchi ID-kartalar, fuqarolik holati dalolatnomalarini
qayd etish organlari beradigan guvohnomalar mustasno) ko‘rsatilgan familiyasi, ismi yoki otasining
ismi uning pasportidagi yoki identifikatsiyalovchi ID-kartasidagi yoxud tug‘ilganlik to‘g‘risidagi
guvohnomasidagi familiyasi, ismi yoki otasining ismi bilan mos kelmagan taqdirda, mazkur
hujjatlarning unga tegishliligi yoxud tegishli emasligi;
(295-modda ikkinchi qismining 6-bandi O‘zbekiston Respublikasining 2022-yil 14-martdagi O‘RQ-759-
sonli 
Qonuni
 tahririda — Qonunchilik ma’lumotlari milliy bazasi, 14.03.2022-y., 03/22/759/0213-son)
7) baxtsiz hodisa;
8) imoratga xususiy mulk huquqi asosida egalik qilish;
9) merosni qabul qilish va merosning ochilish joyi faktlarini aniqlash to‘g‘risidagi ishlarni
ko‘radi.
Oldingi
 tahrirga qarang.
Agar qonunchilikda ularni belgilashning boshqacha tartibi nazarda tutilmagan bo‘lsa, sud
yuridik ahamiyatga ega bo‘lgan boshqa faktlarni ham belgilashi mumkin.
(295-moddaning uchinchi qismi O‘zbekiston Respublikasining 2021-yil 21-apreldagi O‘RQ-683-sonli
Qonuni 
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Arizachi yuridik ahamiyatga ega bo‘lgan faktlarni tasdiqlaydigan zarur hujjatlarni boshqacha
tartibda olishi mumkin bo‘lmagan yoxud yo‘qotilgan hujjatlarni tiklashning imkoni bo‘lmagan
taqdirdagina sud ushbu faktlarni aniqlaydi.