O‘zbekiston respublikasining fuqarolik protsessual kodeksi I bo‘lim. Umumiy qoidalar 1-bob. Asosiy qoidalar

5
1

---

283-modda. Sirtdan qabul qilingan hal qiluv qarorining mazmuni
Sirtdan qabul qilingan hal qiluv qarorining mazmuni ushbu Kodeks 
253-moddasining
qoidalari bilan belgilanadi. Sirtdan qabul qilingan hal qiluv qarorining xulosa qismida ushbu hal
qiluv qarorini qayta ko‘rib chiqish haqida ariza berish muddati va tartibi ko‘rsatilgan bo‘lishi kerak.
284-modda. Hal qiluv qarorining ko‘chirma nusxalarini yuborish
Oldingi
 tahrirga qarang.
Sirtdan qabul qilingan hal qiluv qarorining ko‘chirma nusxasi taraflarga ushbu qaror
chiqarilgan kundan e’tiboran besh kundan kechiktirmay topshirilganligi ma’lum qilinadigan
buyurtma xat orqali yuboriladi yoki tilxat olib topshiriladi, ushbu shaxslarning elektron manzillari
mavjud bo‘lgan taqdirda esa u elektron hujjat tarzida yuborilishi mumkin.
(284-moddaning matni O‘zbekiston Respublikasining 2021-yil 16-sentabrdagi O‘RQ-716-sonli 
Qonuni
tahririda — Qonunchilik ma’lumotlari milliy bazasi, 17.09.2021-y., 03/21/716/0877-son)
Oldingi
 tahrirga qarang.
285-modda. Sirtdan qabul qilingan hal qiluv qarorini qayta ko‘rib chiqish to‘g‘risidagi
ariza
Javobgar sirtdan hal qiluv qarorini qabul qilgan sudga shu hal qiluv qarori qabul qilinganidan
keyin o‘n besh kun ichida uni qayta ko‘rib chiqish to‘g‘risida ariza berishga haqli.
Sirtdan qabul qilingan hal qiluv qarorini qayta ko‘rib chiqish to‘g‘risidagi ariza ushbu
Kodeksning 
287 — 291-moddalarida
nazarda tutilgan tartibda ko‘rib chiqiladi.
(285-modda O‘zbekiston Respublikasining 2021-yil 12-yanvardagi O‘RQ-661-sonli 
Qonuni 
tahririda —
Qonun hujjatlari ma’lumotlari milliy bazasi, 13.01.2021-y., 03/21/661/0011-son)
Oldingi
 tahrirga qarang.