O‘zbekiston respublikasining ayollarga. Seytnazarov M

Xotin-qizlarning tashqi siyosat idoralari faoliyatidagi ishtiroki 
Xotin-qizlar huquqlari kamsitilishining barcha shakllariga barham berish 
to‘g‘risidagi konvensiyaning 8-moddasiga muvofiq, davlatlar xotin-qizlarning 
erkaklar bilan tenglik asosida va hech qanday kamsitilishsiz xalqaro miqyosda
o‘z hukumatlari nomidan vakillik qilish va xalqaro tashkilotlar ishida ishtirok 
etish imkoniyatlarini ta’minlash maqsadida barcha tegishli choralarni ko‘rishlari 
shart. 
Boshqa davlatlar tajribasi shuni ko‘rsatadiki, xotin-qizlar quyidagi hollarda
o‘z hukumatlari nomidan vakillik qilishlari mumkin:

---

42 
ular davlat va hukumat boshlig‘i yoki yuqori davlat lavozimini egallagan 
bo‘lsa;
deputat yoki senator bo‘lsa, parlament, hukumat, vazirliklar tuzilmalari, 
idora rahbari bo‘lsa;
qonun chiqaruvchi, ijro va sud hokimiyatlari organlarida o‘rta boshqaruv 
lavozimida bo‘lsa va xalqaro tashkilotlar faoliyatida hamda turli xalqaro 
anjumanlarda yuqori organlar va mansabdor shaxslarning topshirig‘iga ko‘ra 
ishtirok etsa;
Tashqi ishlar vazirligi, Tashqi iqtisodiy aloqalar vazirligi tizimida va 
O‘zbekiston Respublikasining savdo va investitsiyalar tizimida hamda boshqa 
tashqi siyosiy, tashqi iqtisodiy idoralarda elchi, konsul lavozimlarida, xalqaro 
tashkilotlar, savdo vakolatxonalarida vakil sifatida ishlasalar. 
O‘zbekistonnning xalqaro amaliyoti shuni ko‘rsatadiki, xotin-qizlar
ko‘pincha turli xalqaro anjumanlarda o‘zlari ishlaydigan idoralarning vakili 
sifatida faol ishtirok etadi. Xususan, O‘zbekiston Respublikasi xotin-qizlar 
qo‘mitasi raisi, O‘zbekiston Respublikasi Oliy Majlisining inson huquqlari 
bo‘yicha vakili, O‘zbekiston Respublikasi kasaba uyushmalari federatsiyasi
raisining xalqaro tashkilotlar faoliyatida ishtirok etishi odat tusini olgan. 
Biroq, tadqiqotlar shundan dalolat beradiki, Tashqi ishlar vazirligi tizimida, 
bevosita diplomatik sohada faoliyat yuritayotgan xotin-qizlar kamchilikni tashkil 
qiladi. 
Tashqi siyosat sohasida xotin-qizlar vakillari yanada ko‘proq bo‘lishini
ta’minlash ushbu muammoni chuqur o‘rganishni va diplomatiya faoliyatida 
xotin-qizlar ishtirokining konseptual asoslarini ishlab chiqishni taqozo qiladi. 
Bunda xotin-qizlarning diplomatlik lavozimlaridan bosqichma-bosqich o‘tib 
borishini ta’minlash, diplomat
xotin-qizlarni tayyorlash, elchilik va konsullik lavozimlariga tayinlash 
mexanizmlari va mezonlarini ishlab chiqish maqsadga muvofiq bo‘lar edi.