O'zbekiston Respublikasi Yer resurslari, geodeziya, kartografiya va davlat kadastri davlat qo'mitasining ilmiy-texnik Kengashi to'g'risida

O'zbekiston Respublikasi Yer resurslari, geodeziya, kartografiya va davlat kadastri davlat qo'mitasining ilmiy-texnik Kengashi to'g'risida

O'zbekiston Respublikasi Vazirlar Mahkamasining 2004 yil 19 oktyabrdagi 483-sonli “O'zbekiston Respublikasi Yer resurslari, geodeziya, kartografiya va davlat kadastri davlat qo'mitasi faoliyatini tashkil etish to'g'risida”gi qarorining ijrosini ta'minlash, qo'mitada hamda qo'mita tizimidagi korxona va tashkilotlarda bajarilayotgan ilmiy-tadqiqot, tajriba-konstruktorlik va tajriba-texnologiya ishlarini ko'rib chiqish, ishlab chiqarish muammolarini hal etish maqsadida, “Yergeodezkadastr” davlat qo'mitasining 2005 yil 31 maydagi 58-sonli buyrug'iga asosan, “Yergeodezkadastr” davlat qo'mitasining ilmiy-texnik Kengashi tashkil etilgan. Mazkur buyruqda qo'mitaning ilmiy-texnik Kengashi tarkibi, Kengashda ko'riladigan masalalarning xujjatlarini ekspertiza qilishga jalb etiladigan mutaxassislarning tarkibi va Ish tartibi tasdiqlangan.

Ilmiy-texnik Kengashning asosiy vazifasi: - er tuzish, topografo-geodeziya, kartografiya va kadastr ishlari bo'yicha ishlab chiqarish, erni distantsion zondlashga doir ilmiy, texnik siyosatni yuritishda tavsiyalar, xulosalar tayyorlaydi va ko'rib chiqadi Shuningdek, O'zbekiston Respublikasining er tuzish, topografo-geodeziya, kartografiya va kadastr ishlarini ishlab chiqarishning texnik, texnologik, iqtisodiy va tashkil qilish darajasini oshirishdan iborat.

“Yergeodezkadastr” davlat qo'mitasining ilmiy-texnik Kengashiga yuklatilgan vazifalar bo'yicha quyidagi masalalarni ko'rib chiqadi: - er tuzish, topografo-geodeziya, kartografiya va kadastr ishlari bo'yicha ilmiy-tadqiqot ishlarini bashoratlash va rejalashtirish; - tarmoqlarni istiqbolli rivojlantirish; - texnik taraqqiyotni ta'minlash, tashkilotchilik va boshqaruv usullarini shakllantirish, istiqbolda ishlab chiqarishni texnologik darajasini ko'tarish; - kadrlar tayyorlash va malakasini oshirish; - zamonaviy texnika va texnologiyalarni qo'llash; - er tuzish, topografo-geodeziya, kartografiya va kadastr ishlari va mahsulotlari tannarxini pasaytirish hamda sifatini ko'rsatish, shuningdek, er tuzish, topografo-geodeziya, kartografiya va kadastr ishlari bo'yicha respublika va tarmoq miqyosidagi me'yoriy uslubiy xujjatlar (dalolatnoma, qo'llanma, ko'rsatma, nizom, yo'riqnoma va hokazolar)ning loyihalarini ko'rib chiqadi.

Ilmiy-texnik kengash olimlar va yuqori malakali mutaxassislardan iborat bo'lib, rais, rais o'rinbosari, ilmiy kotib va kengash a'zolarini o'z ichiga oladi. Sohalar bo'yicha maxsus masalalarni ko'rib chiqish uchun ilmiy-texnik Kengash tarkibida sohalarga oid uchta ya'ni Geodeziya va kartografiya, Yerdan foydalanish va er tuzish va Geoinformatika va kadastr sektsiyalarini o'z ichiga oladi.

Ilmiy- texnik Kengash yig'ilishlari rejaga binoan har chorakda bir marta muntazam o'tkazilib, o'z faoliyatini yillik va istiqbolli rejalar asosida ish yuritadi.Ilmiy-texnik Kengash o'z yig'ilishlarida a'zolarining kamida 2/3 qismi qatnashganda qaror qabul qilish huquqiga ega. Ilmiy-texnik Kengashning muhokamasiga kiritiladigan ish rejalar, loyihalar va tadbirlarning ishlanmalari mas'ul kotib tomonidan yig'ilishdan 30 kun ilgari Kengash raisiga taqdim etiladi. Ish reja, dastur, tadbir yoki boshqa xujjatlar loyihalari ilmiy-texnik Kengash tomonidan ma'qullangach, ma'lum bir masalalarning kiritilishi yoki olib tashlanishi haqida takliflarni ko'rib chiqish muddati ilmiy-texnik Kengash qarori asosida belgilanadi.

"Yergeodezkadastr" davlat qo'mitasi ma'muriyati