O‘zbekiston respublikasi yer resurslari, geodeziya, kartografiya va davlat kadastri davlat qo‘mitasi to‘G‘risidagi hamda yer munosabatlari va davlat kadastrlarini rivojlantirish jamg‘armasi to‘G‘risidagi nizomlarni tasdiqlash haqida

5-bob. Davyergeodezkadastr tizimini moliyalashtirish va rag‘batlantirish

26. Davyergeodezkadastr, Qoraqalpog‘iston Respublikasi, viloyatlar va Toshkent shahar yer resurslari va davlat kadastri boshqarmalari, tumanlar (shaharlar) yer resurslari va davlat kadastri bo‘limlari, Davlat geodeziya nazorati inspeksiyasi va uning tarkibidagi Davlat kartografiya-geodeziya fondi, Tuproqshunoslik va agrokimyo ilmiy-tadqiqot institutini saqlab turish va moddiy-texnik ta’minlash, shu jumladan ularning xodimlari mehnatiga haq to‘lash O‘zbekiston Respublikasi Davlat budjeti mablag‘lari, Yer munosabatlari va davlat kadastrlarini rivojlantirish jamg‘armasi, shuningdek qonun hujjatlarida taqiqlanmagan boshqa manbalar hisobidan amalga oshiriladi.

27. Davyergeodezkadastr xodimlariga qo‘mita raisi tomonidan tasdiqlanadigan va respublikaning tegishli tarmoq kasaba uyushmasi bilan kelishiladigan O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi xodimlariga uzluksiz ish staji (uzoq muddat ishlaganlik) uchun ustamalar to‘lash tartibi to‘g‘risidagi Nizomga muvofiq har oyda uzluksiz ish staji (uzoq muddat ishlaganlik) uchun ustama to‘lanadi.

Keyingi tahrirga qarang.

28. Davyergeodezkadastr tizimida uzluksiz ish staji (uzoq muddat ishlaganlik) uchun to‘lanadigan ustamalar faqat asosiy ish joyi bo‘yicha har oyda va xodimning lavozim maoshiga belgilangan razryad tarif stavkasiga nisbatan quyidagi foizlarda hisoblanadi: