O’zbekiston respublikasi xalq ta’limi vazirligi xalq ta`limi muassasalari faоliyatini metоdik ta`minlash va tashkil etish bo’limiga qarashli

O’quvchining taxminiy
javobi: Fanlar ichra sardori ona tili fanidir.
Go’zal nutq, dil izhori ona tili fanidir.


O’qituvchi: Demak, darsimiz ona tili. (Davomat olinadi).
Endi, guruhlarga bo’linamiz.
(Sinf o’quvchilarining soniga qarab kabutarlar yasalgan bo’lib, kabutarlarning ichiga «Ma’naviyat» yoki «Ma’rifat» deb guruh nomlari yozilgan).
O’qituvchi: O’quvchilar, men sizlarga kabutarlar hadya qilmoqchiman. Ayting-chi, kabutar qanday ramzga ega?
Taxminiy javob: Oq kabutarlar – tinchlik ramzi.
O’qituvchi: Kabutarlarni olgach, ichiga yozilgan guruh nomi ostida birlashib, o’z o’rningizni egallang.

(Sinfdagi partalar 2 guruhga mo’ljallab joylashtirilgan bo’ladi.)

(Har ikkala guruh joylashib olgach, topshiriqlar beriladi, topshiriq shartlari tushuntiriladi)
(Darsdan nimalar kutayotganliklarini bilish uchun tasmacha qog’ozlar berib, ushbu qog’ozga yozishlari topshiriladi, qog’ozdagi yozuvlar e’lon qilinib, sinf taxtasiga yopishtiriladi)


II. O’TGAN MAVZUNI SO’RASH.
«Ma’rifat» guruhiga berilgan topshiriqlar:
1. Guruhingiz nomini sharhlang va shior tanlang.
2. Test savollariga javob bering.
3. Rasm asosida 5 ta gapli matn tuzing va kesimlarni ko’rsating.
4. Uy vazifasining tahlili.
« Ma’naviyat» guruhiga berilgan topshiriqlar:
1. Guruhingiz nomini sharhlang va shior tanlang.
2. Test savollariga javob bering.
3. Berilgan rasmlar asosida gapning ifoda maqsadiga ko’ra turlari bo’yicha gaplar yoki matn tuzing.
4. Uy vazifasining tahlili.
(Guruhlarga topshiriqlarga tayyorlanish uchun 4 daqiqa vaqt beriladi. Guruh sardorlari topshiriqlarni taqsimlab beradi. O’qituvchi ishning bajarilishini nazorat qilib boradi)
Guruhlarning topshiriqlari tayyor bo’lgach, taqdimot boshlanadi.
«Ma’rifat» guruhi:
1 -topshiriq
- Ma’rifat – bizning fikrimizcha, bu – zakovat, ilm, ziyo, saboqning oliy ko’rinishidir. Bu so’z, arabcha «arafa» - «bilmoq» so’zidan olingan bo’lib, ta’lim-tarbiya, iqtisodiy, siyosiy, falsafiy, diniy g’oyalar majmui asosida kishilarning ongini, bilimini, madaniyatini o’stirishga qaratilgan faoliyat. Biz guruhimizga «Ilmli mingni yiqar, ilmsiz birni» maqolini shior qilib tanladik.