O‘zbеkisтоn rеspublikаsi xаlq та’limi vаzirligi

Ijоdiy bayon mavzularidan namunalar
I variant

1. 
   Vatanga muhabbat
   

II variant

2. 
   Til – millatning faxri
   

III variant

3. 
   Sog‘lom ona va bola – oila quvonchi
   

Vatanga muhabbat
Vatanga muhabbat - eng ulug‘ tuyg‘u. Shuning uchun ham Prezidentimiz Islom Karimov bu tuyg‘u haqida alohida fikr yuritib, “Tarix haqiqati shuni ko‘rsatadiki, tomirida milliy g‘urur, Vatan ishqi jo‘sh urgan odamgina buyuk ishlarga qodir bo‘ladi” deb ta’kidlaydi.
Haqiqatan ham, agarda tarixga nazar tashlaydigan bo‘lsak, ona yurtga mehr-muhabbat oddiy insonlarga ham ulkan kuch-qudrat, azm-u shijoat baxsh etib, ularni tengsiz jasoratlarga undaganiga guvoh bo‘lamiz. Masalan, biz yaxshi biladigan Shiroq haqidagi rivoyatni esga olaylik. Shiroq - oddiy cho‘pon. Uning harbiy qurol-yarog‘i ham, askari ham yo‘q. Faqat qalbida o‘z vataniga cheksiz muhabbati bor. Ana shu buyuk tuyg‘u uni ko‘p sonli yovga qarshi bir o‘zi kurashishga boshlaydi. Shiroq o‘zining dushmanga yengilishini oldindan biladi. Lekin, u eng ulug‘ maqsad - Vatan ozodligi, uning himoyasi yo‘lidagi sharafli ish ekanini u yaxshi anglaydi va aynan shu bois bu yo‘lni tanlaydi.
Shiroq o‘z joni evaziga qancha-qancha yurtdoshlarini yovdan saqlab qoladi. Yana bir muhim tomoni – u o‘z qahramonligi orqali hech qachon zulm va bosqinchilik bilan butun bir xalqni yengib bo‘lmasligini, uning mard farzandlari bunga aslo yo‘l qo‘ymasligini isbotlaydi. Shuningdek, Jaloliddin Manguberdi mo‘g‘ul bosqinchilariga qarshi kurashda ko‘rsatgan jasorati, vatanga va o‘z xalqiga sadoqatini ko‘rish mumkin. Yurt ozodligi уо‘lida jonidan kechadigan bunday insonlarni fidoyi, jasur, mard deymiz. Buyuk bobokalonimiz Jaloliddin Manguberdi tarixda vatanparvar inson sifatida nom qoldirdi. 
Shiroqqa, Jaloliddin Manguberdi bobomizga o‘xshagan qo‘rqmas va botir o‘g‘lonlar dunyodagi barcha xalqlarda hamma zamonlarda ham bo‘lgan. Chunki har qanday xalqning tinch va osuda hayoti, baxt-u saodati uning mard va bahodir farzandlariga bog‘liq.
Topshiriqlar:

1. 
   Matn asosida reja tuzing.
   
2. 
   Reja asosida o‘z fikrlaringizni qo‘shib ijodiy bayon yozing.