O‘zbеkisтоn rеspublikаsi xаlq та’limi vаzirligi

Til – millatning faxri
1989 yil 21 oktabrda “O‘zbekiston Respublikasi Davlat tili haqida”gi qonun qabul qilindi. Bu voqea millatimiz taqdirida tarixiy voqea, istiqlol yo‘lidagi dastlabki va muhim qadam bo‘ldi. Shundan buyon har yili xalqimiz bu kunni tabarruk ayyom sifatida keng nishonlab kelmoqda. Davlat tili haqidagi qonun mamlakatimizda o‘zbek tilining davlat tili maqomiga ega ekanligini belgilash bilan birga, boshqa tillarning kamsitilmasligini ham e’tiborga oladi.
Albatta, biz bu kunga osonlikcha yetib kelmadik. Mana mustaqilligimizning
24 yilligini nishonladik. Bugun yangi avlod, yangi qatlam paydo bo‘ldi. Endi ona tilimizda gapirish o‘z kundalik hayotimizga aylandi.
Matbuotda, radio-televideniyada, O‘zbekiston milliy nashriyotlarida chop etilayotgan nodir asarlar, darsliklar buning yaqqol isbotidir. Shu jumladan bobokalonimiz Yusuf Xos Hojib “Odobning boshi tildur” deb bejizga aytmaganlar. 
O‘zbek tilimizning boyligini yaxlit holda tasavvur etish uchun Alisher Navoiy asarlari dunyosiga bir nazar tashlashning o‘zi kifoya. Shunda siz bepoyon tafakkur va tuyg‘ular olamiga sho‘ng‘iysiz. Bu olamda butkul koinot aks etadi. Bu xazinadan bebahra qolish mumkin emas. Alisher Navoiy butun hayoti va ijodini ona tili ravnaqi uchun baxshida qildi. Mavjud adabiy an’analarga yangiliklar kiritdi. Xalq madaniyati, ma’rifati va ma’naviyatining yuksalishida tilning muhim vosita ekanini, til bashariyat naslini o‘tmish va zamon bilan bog‘lovchi timsol ekani Navoiyning hamisha diqqat markazida bo‘ldi.
Mumtoz adabiyotimiz vakillarining xalq dostonlari - “Alpomish”, “Go‘ro‘g‘li” asarlari, shuningdek, Abdulla Qodiriy, Cho‘lpon, Oybek, G‘afur G‘ulom va boshqa ijodkorlar yaratgan go‘zalliklar ham, “Boburnoma” asari ham ta’rifga sig‘mas o‘zbek tilida yaratilgan. Tilimiz bebaho, o‘lmas, adabiy boylikdir. Nutqning go‘zalligi, tilning burroligi, ifodaning aniqligi inson uchun o‘ziga xos husndir, bu husn
oxir-oqibatda jamiyatning, millatning husnini ko‘rsatadi.