O’zbekiston respublikasi xalq ta’limi vazirligi toshkent shahar yunusobod tumani

O`tilgan mavzuni mustahkamlash:
Alisher Navoiy hayoti va ijodiga oid ma’lumotlar so‘raladi. (Tarqatma materiallari tarqatiladi).
Alisher Navoiyning qanday asarlarini bilasiz?
“Xamsa” asari haqida ma’lumot bering.
“Hayrat ul - abror” dostonidan olgan taassurotlaringiz haqida fikr bildiring.
“Hayrat ul - abror” dostonining tuzilishi.
To‘g‘rilik va egrilik haqida bahs – munozara o‘tkaziladi.
Sher – to‘g‘rilik ramzi (kuchli, qudratli, aqlli)
Durroj – egrilik ramzi (ayyor, yolg‘onchi). “Venn” diagrammasidan foydalangan holda o‘quvchilar egrilik va to‘g‘rilik (sher bilan durroj) haqida munosabat bildiradilar.
Lug‘atlar bilan ishlanadi “Tushuncha va tahlil” metodidan foydalaniladi.
Yangi mavzu:

Zahiriddin Muhammad Bobur 1483 – yil 14 – fevral kuni Andijonda tug‘ilgan. Yosh Bobur 12 yoshida otasining to‘satdan vafoti sabab taxtga o‘tirishga majbur bo‘ladi. Bobur so‘zi fors tilidan olingan bo‘lib, “sher, yo‘lbars” degan ma’nolarni anglatadi. Bobur Hindistonga besh marta yurish uyushtirgan. Beshinchi yurishida Panipat jangida Ibrohim Lo‘diyni yengib, Hindistonni qo‘lga kiritgan. 12000 kishilik qo‘shin bilan 100000 askar va 1000 ta fildan iborat qo‘shinni mag‘lub etgan.

Bobur turk va fors tillarida erkin ijod etgan. U turkcha she'rlarini to`plab, 1519- yilda Kobulda, 1528—1529- yillarda Hindistonda devonlar tuzdi. Bu ikki devon o`sha joylar nomi bilan ,,Kobul devoni", ,,Hind devoni" deb ataladi. ,,Kobul devoni" topilgan emas. Bizgacha yetib kelgan she’rlarining umumiy soni to`rt yuzdan ortadi. Shundan bir yuz o`n to`qqiztasi g`azal, ikki yuz o`ttiz bittasi ruboiy. Bobur she'rlarining ma'lum qismi hasbi hol xususiyatiga ega bo`lib, shoir hayotining muayyan bir lavhasi bilan bog‘lanadi. Shoir she'rlarining hammasi benihoya samimiy tuyg`ular bilan yo`g`rilgan. Uning she'rlari janriga ko`ra ham xilma-xildir. Shoir tuyuq, qit’a, muammo, masnaviy, fard kabi janrlarda ijod etgan.