O‘zbekiston respublikasi xalq ta'limi vazirligi t. Usmonxo‘jayev, M. Toirova

O‘yin qoidalari: to‘pni faqat raqami aytilgan o‘yinchi otishi mumkin. O‘rtadagilar to‘pni ilib olishlari ham mumkin.
«Ro‘molchani ber»
O‘ynovchilar bir-biriga qarama-qarshi turgan holda ikki guruhga bo‘linishadi. Hamma qo‘lini orqasiga qo‘yadi. Markazda bitta o‘yinchi turadi. Har ikkala jamoadan bittadan o'yinboshi tanlashadi va unga ro‘molcha berishadi. O‘yinboshi o‘z jamoasi o‘yinchilari orqasidan sekin o‘tib, bildirmasdan o‘yinchilardan birining qo‘liga dastrumolni tutqazadi.
Shundan so‘ng, o‘rtada turgan o‘yinchi buyruq beradi: «Ro‘molni ber!». Bolalar qo‘lidagi ro‘molchani yugurib borib 0‘rtadagi o‘yinchiga ro‘molchani qo'liga berishlari kerak. Ro‘molchani birinchi
bo‘lib bergan o‘yinchi g‘olib bo‘ladi. Yakunda eng ko‘p ball yiqqan jamoa g‘olib sanaladi.
O‘yin qoidalari: Ro‘molchani faqat bo‘yruqdan keyin olib borish kerak. Ro‘molchani qo‘lga berolmagan yoki tushurib yuborgan o‘yinchi birinchi yetib borganiga qaramay yutqazadi.
«Soloy-soloy»
O‘yinda qatnashadigan bolalar doira shaklida qo'lini orqasiga qilib o‘tiradilar. Ulardan biri qo‘liga ro‘molcha olib: «Soloy, soloy, kimga soloy, sochi uzun qizga soloy!» deb atrofida aylanadi va o‘tirganlardan birining orqasiga tashlab ketadi. Orqasiga ro‘molcha tushganini bilmay qolgan bola davra o'rtasiga tushib o‘ynab beradi. Agar bilib qolsa, ro‘mol tashlagan bolaning orqasidan quvadi. Qochgan bola quvganning o‘z joyiga kelib o'tirishiga ulgurmasdan yetib olib ro‘mol bilan urishi kerak. Aylana o'rtasini kesib o‘tish mumkin emas.
«Nimaning pati»
O‘yinda qatnashadigan 10 ta bola doira hosil qilib o‘tiradi. O‘yinboshi biror qushning patini (o‘rdak, g‘oz, qarg‘a va xokazo) olib, bolalardan biriga ko‘rsatib, «bu nimaning pati», deb so‘raydi. Patning nomini aytadi, boshqa boladan so‘raladi, boshqa bola ham javob beradi. O‘yin qoydasida bir qushning nomi ikki marta takrorlanmasligi kerak. Bir bolaning aytganini ikkinchisi aytib qo‘ysa, o‘yinboshining buyrug'ini bajaradi: o‘yinga tushadi, qo‘shiq aytadi va hokazo. Kim qushlar nomini ko‘p bilsa, o‘sha «bilag‘on» nomini oladi.