O‘zbekiston respublikasi xalq ta'limi vazirligi t. Usmonxo‘jayev, M. Toirova

«Tegirmonda to‘p»
Bir nechta ishtirokchilar katta aylana bo‘ylab turishadi, bir-biridan kamida 2- 3 qadam oraliqda turishlari kerak. O‘yinchi-lardan biri tarbiyachidan to'pni olib yonidagi sherigiga otib uzatadi, unisi yonidagiga, keyin shu tariqa to‘p aylana bo‘ylab uzatilaveradi. Sekin-sekin to‘p tezligi oshib boradi.
O‘yin qoidalari: to‘pni qoTidan chiqarib yuborgan yoki noto‘g‘ri uzatgan bola o'yindan chiqadi. Shu tariqa o‘yinda qolgan oxirgi o‘yinchi g‘olib hisoblanadi.

«Dumini ushla»
Barcha ishtirokchilar aylana bo'ylab turishadi. O'rtada sher o‘tiradi. Qolgan ishtirokchilar qo‘y hisoblanishadi. Sher o‘zini uxlayotganga solib o‘tiradi. Qo‘ylar uning atrofida qo‘shiqlar aytib aylanishadi va ora-orada sherni qo'llari bilan turtib qo‘yishadi. Sher kutilmaganda uyg‘onib darhol qo‘ylarni tutishga urinadi (qo‘li bilan tegadi). Tutilgan qo‘y sherga yordamchi bo‘lib oTtaga o‘tiradi.
O‘yin qoidalari: sher xohlagan paytda qo'ylami tutishi mumkin, lekin unga kimdir birinchi marta tegmaguniga qadar oTnidan turmaydi.
«Quyon tongi»
Bir nechta o‘yinchilar ya'ni quyonlar, ulardan biri murabbiy boTadi. Maydoncha o‘rtasiga kichkina aylanachalar chiziladi - bu ularning uychasi. Murabbiyning bunday uychasi yo‘q. Murabbiy quyonchalarga qarab: «Hamma tursin! (quyonchalar harakatlar bilan buyruqni bajaradilar). Hamma yuvinadi; gimnastika qiladi; oTin yig‘ishtiradi; nonushta qiladi; maktabga ketadi; maktabda o‘qiydi; uyga qaytadi; dars tayyorlaydi; hovliga chiqib o‘ynaydi» deydi. «Xovliga chiqib o‘ynaydi» - degandan so‘ng, quyonchalar uychalaridan chiqib, chopib yuradilar.
Murabbiy birdaniga: «Tun» deydi. Shunda hamma o‘z uychasiga yugurib qaytishi kerak. Oxirgi qolgan bola yutqizgan hisoblanadi.
O‘yin qoidalari: barcha harakatlar murabbiy buyrug‘idan so‘ng bajariladi.
Hovlida yugurayotganda uychasidan kamida 10 qadam tashqarida bo‘lish kerak.
«Baliq ovi»
Bir necha o'yinchi ikki guruhga bo‘linadi. Guruhlar bir-biriga qarama- qarshi turishadi. Birinchi guruh - baliqchilar (ularning soni kamroq), qolganlar - baliqlar. Baliqchilar:

• 
  Biz baliq tutamiz.
  
• 
  Qanday baliq?
  
• 
  Laqqa baliq.
  
• 
  Tutinglar! - deb baliqlar javob qaytarishadi.
  

Baliqlar o‘girilib belgilangan chegaragacha qochadilar. Har bir tutilgan baliq o'yindan chiqadi.