O‘zbekiston respublikasi xalq ta'limi vazirligi t. Usmonxo‘jayev, M. Toirova

«Kim bir oyoqda tez yuguradi»
O‘quvchilar teng ikki komandaga bo‘linadilar va bir qatordan start chizig‘i orqasida saf tortib turadilar. Har bir komanda qarshisiga 5-6 m masofada to‘ldirma to‘p qo‘yiladi. O‘qituv-chining signalidan keyin komandalarning birinchi
m
A-. h'
turgan o‘yinchilari bir oyoqda (chap yoki o‘ng oyoqda) to'ldirma to‘p-gacha yugurib borib, uning o‘ng tomonidan aylanib o‘tadilar va orqaga qaytib kelib, ikkinchi o‘yinchilarning qo‘llariga qo‘llarini tekkizib, qatorning oxiriga borib turadilar. Ikkinchi o‘yinchilar ham shuning o‘zini bajaradilar. Berilgan vazifani birinchi bo‘lib bajargan komanda yutgan hisoblanadi. 0‘yinni qaytarishda endi boshqa oyoq bilan sakraladi.
«Chaqqon yugurib o‘tuvchilar»
Bolalar diametri 8-12 m keladigan doira atrofida turadilar. Ikkita onaboshi doira markazida turadi. O‘qituvchi signalidan so‘ng o'ynovchilar doiraning har xil yo‘nalishida yugurib o‘ta boshlaydilar. Onaboshi esa yugurib o'tayotgan bolalarga qo‘l tekkizishga harakat qiladi. O‘yinboshi qo‘li tekkan bola o‘sha joyda qotib turadi, boshqa biror o'yinchi unga qo‘lini tekkizib qutqarganidan so‘ng u yana o‘yinda qatnasha boshlaydi. Birorta ham qo‘l tekkizilmagan bolalar o‘yinda yutib chiqadilar.
«Sakrovchilar»
Bolalar 2-4 ta komandaga bo‘linadilar va bir qatordan bo‘lib start chizig‘i orqasida turadilar. Start chizig‘idan 3 m narida 20 sm oraliqda bir necha chiziq chiziladi. Bu chiziqlar 1, 2, 3, 4 va hokazo raqamlar bilan belgilanadi. Ayni paytda shu chiziqlar ochkolar sonini bildiradi, ya’ni bolalar qaysi chiziqqa sakrasalar, shuncha ochko oladilar. O‘yin paytida 3-4 ta hakam saylanadi. O‘qituvchining signalidan so‘ng birinchi o‘yinchilar start chizig‘idan iloji boricha uzoqroqqa sakrashga harakat qiladilar. Keyin ikkinchi, uchinchi va hokazo bolalar sakraydi. Hakamlar ochkolar sonini hisoblab chiqib, har bir komanda qanchadan ochko to‘plaganini aniqlaydilar va yutgan komandani e'lon qiladilar.