Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Internet konferensiyalar. Internet konferensiyalar – bu muayyan muammoni hal qilayotgan guruh ishtirokchilarining Internet tarmogʻi orqali konferens aloqasi yordamida oʻzaro axborot almashinish jarayonidir. Tabiiyki, bu texnologiyadan foydalanish huquqiga ega boʻlgan shaxslar doirasi cheklangan boʻladi. Kompyuter konferensiyasi ishtirokchilari soni audio– va videokonferensiyalar ishtirokchilari sonidan ancha koʻp boʻlishi mumkin. Adabiyotlarda telekonferensiya atamasini koʻp uchratish mumkin. Telekonferensiya oʻz ichiga konferensiyalarning uch turini: audio, video va kompyuter konferensiyalarini oladi.
Audiokonferensiyalar. Ular tashkilot yoki firmaning hududiy jihatdan uzoqda joylashgan xodimlari yoki boʻlinmalari oʻrtasida kommunikasiyalarni saqlab turish uchun audioaloqadan foydalanadi. Audiokonferensiyalarni oʻtkazishning eng oddiy texnika vositasi soʻzlashuvda ikkitadan koʻp ishtirokchi qatnashuvini ta’minlaydigan qoʻshimcha qurilmalar bilan jihozlangan telefon aloqasi hisoblanadi. Audiokonferensiyalarni tashkil etish kompyuter boʻlishini talab etmaydi, faqatgina uning ishtirokchilari oʻrtasida ikki tomonlama audioaloqadan foydalanishni koʻzda tutadi. Audiokonferensiyalardan foydalanish qarorlar qabul qilish jarayonini yengillashtiradi, u arzon ham qulay.
Videokonferensiyalar. Ular ham audiokonferensiyalar qanday maqsadlarga moʻljallangan boʻlsa, shunday maqsadlarga moʻljallangan, lekin bunda videoapparatura qoʻllaniladi. Ularni oʻtkazish ham kompyuter boʻlishini talab etadi. Videokonferensiya jarayonida bir-biridan ancha uzoq masofada boʻlgan uning ishtirokchilari televizor ekranida oʻzlarini va boshqa ishtirokchilarni koʻrib turadilar. Televizion tasvir bilan bir vaqtda ovoz ham eshitilib turadi. Videokonferensiyalar transport va xizmat safari harajatlarini ancha qisqartirish imkonini bersa ham aksariyat tashkilot yoki firmalar ularni faqat shu sabablarga koʻra qoʻllamaydilar. Bu firmalar bunday konferensiyalarda muammoni hal qilishga hududiy jihatdan ofisdan ancha uzoqda joylashgan koʻp sonli menejerlarni va boshqa xodimlarni ham jalb etish imkoniyatini koʻradilar.