Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

ZiyoNET ta’lim tarmogʻi 2005 yil 28 sentyabrda Oʻzbekiston Respublikasining birinchi Prezidenti I.A.Karimovning “Oʻzbekiston Respublikasining jamoat ta’lim axborot tarmogʻini tashkil etish toʻgʻrisida”gi 2005 yil 28 sentyabrdagi qaroriga muvofiq tashkil topgan. ZiyoNET tarmogʻining asosiy maqsadi ta’lim tizimida respublika yoshlari hamda ta’lim oluvchilarni bilim olish jarayonida axborot-kommunikasiya xizmatlarini koʻrsatishdan iborat.
ZiyoNET axborot ta’lim tarmogʻi yoshlarni, murabbiylarni, shuningdek aholining turli qatlamini kerakli axborot bilan ta’minlash, AT sohasida kerakli ma’lumotlarni berish, muloqat qilish va tajriba almashinishlari uchun zarur imkoniyatlarni yaratib berishni oʻz zimmasiga oladi.
Hukumat qaroriga muvofiq barcha ta’lim muassasalari (ulanish obyektlari) ZiyoNet axborot ta’limiy tarmogʻi negizida birlashishlari kerak. Ta’lim muasasalarining internetga ulanishlarida OOʻMTV, XTV mas’ul va moliyaviy jihatdan ta’minlovchi hisoblanadilar.
ZiyoNet tarmogʻining resurs markazi tanlov hay’atining ishlovchisi sifatida internet tarmogʻiga ulanishga oid barcha tanlovlarni va ulanish jarayoni monitoringini oʻtkazib kelmoqda. Ta’lim muassasalarini internet tarmogʻiga ulanishlariga oid barcha savollar bilan mas’ul Vazirlik va boshqarmalarga, ZiyoNet tarmoqining provayderlariga murojaat etishingiz, shuningdek, forumda qoldirishingiz mumkin.
ZiyoNet ta’limiy tarmogʻiga ulanuvchi muassasa tanlov gʻolibprovayderining quyidagi bepul hizmatlaridan foydalanishi mumkin:
-Internet (TAS-IX orqali) tarmogʻining Oʻzbek segmentidan 128 kbit/sek tezligida istalgan miqdorda foydalanish;
-Ichki internetning ajratilgan limit trafikidan foydalanish (Ichki internetdan foydalanayotgan ulanish obyektiga trafikda belgilangan ustki limit boʻyicha haq toʻlash;
-Qoʻshimcha hizmatlar.
Salbiy va ijobiy resurslarga ega boʻlgan veb saytlar va ularning ahamiyati. Internetning ichki tahdidlari tarmoq axborot makonining ahvoli va rivojlanishi uchun salbiy oqibatlarga ega boʻlishi mumkin boʻlgan tahdidlar. Bular: tarmoqning ortiqcha yuklanganligi tufayli axborot kollapsi (qulashi); xakerlarning ma’lumotlarni yoʻq qilishi yoki oʻzgartirishi, bogʻlamalar va trafikni “chetlab oʻtish” yoʻnalishlarini blokirovkalash maqsadida uyushtirgan hujumlari; kommunikasiya kanallarining tasodifiy yoki uyushtirilgan avariyalari; axborot-izlash tizimlarining mukammal emasligi; protokollarning “ma’naviy” eskirib qolishi va boshqalar.
Internetning tashqi tahdidlari foydalanuvchilar uchun salbiy oqibatlarga ega boʻlishi mumkin boʻlgan tahdidlar. Tashqi tahdidlar texnologik va ijtimoiy boʻlishi mumkin:

• 
  Texnologik: tezligi sekin kanallar; tarmoqqa ulanishning unumsiz uslublari; olib keltirilgan viruslar; axborot “toshqini” va h.k.
  
• 
  Ijtimoiy: foydalanuvchilarning jismoniy va ruxiy sogʻligʻiga boʻlgan ta’sir; insonning shaxsiy ongiga boʻlgan ta’sir; axborot terrori, jinoyati va boshqalar.