Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Oʻrgatuvchi internet manbalariga masofaviy ta’lim, virtual maktablar, laboratoriyalar va veb sinflarni misol sifatida keltirish mumkin.
Maslahat beruvchi internet manbalariga turli telekonferensiyalar, virtual pedagogik kengashlar, virtual uslubiy, birlashmalar muammoviy kengashlar, virtual kafelar va hokazolarni misol keltirish mumkin.
Axborotli internet manbalariga elektron oʻquv qoʻllanmalar, ma’lumotnomalar, elektron kutubxonalar, lugʻatlar, kataloglar, virtual muzeylarni keltirish mumkin.
Baholovchi internet manbalarga teletesting, masofaviy konkurslar, turli viktorinalar, olimpiadalarni misol keltirish mumkin.
Taqdimotli internet manbalariga ta’lim muassasalarining ta’lim yoʻnalishlari haqida atroflicha ma’lumotlar yoritilgan alohida sahifalarni keltirish mumkin.
Oʻquv muassasalari uchun yaratilgan saytlar yordamida oʻqituvchilar ta’lim oluvchilarga masofadan turgan holda bilim olishlariga imkon yaratadilar. Oʻquv muassasalari uchun yaratilgan saytlar ayniqsa oʻqitish joylariga qatnashi qiyin boʻlgan ta’lim oluvchilarga qulaydir. Bulardan tashqari ta’lim oluvchilar axborot texnologiyalari bilan ishlash madaniyati, koʻnikma va malakalariga ega boʻladilar. Oʻquv muassasalari uchun yaratilgan saytlardan dars jarayonida foydalanish juda katta imkoniyatlar yaratadi
Oʻquv muassasalari uchun yaratilgan saytlar yordamida oʻqitish, oʻquv jarayonini a’nanaviy tashkil etishning asosiy shakllarini oʻz ichiga oladi. Ma’ruza, seminar va amaliy mashgʻulotlar, laboratoriya amaliyoti, nazorat tizimi, tinglovchilarning ilmiy tadqiqot va mustaqil ishlari shular jumlasidandir. Oʻquv jarayonini tashkil etishning ushbu barcha shakllari amaliyotda tinglovchilarni mustaqil bilish faoliyati turli axborot manbalari bilan osongina birlashtirishni, kurs olib borayotgan oʻqituvchi yoki tyutor bilan tezkor va tizimli aloqa qilish hamda tinglovchilarning guruh boʻlib ishlarni amalga oshirish imkoniyatini beradi.
Oʻquv jarayonida oʻquv muassasalari uchun yaratilgan saytlardan foydalanish oʻqituvchilarga:

• 
  internet tarmogʻi yordamida u yoki bu oʻquv fanlardan toʻplangan tajriba va uslublarni boshqa kasbdoshlari bilan almashish;
  
• 
  bir vaqtning oʻzida turli toifadagi ta’lim oluvchilar uchun har xil oʻqitish uslublarini amalga oshirish orqali oʻquv jarayonini
  

individuallashtirish;

• 
  oʻquv muassasalari uchun yaratilgan saytlardagi nazorat topshiriqlaridan mashq sifatida foydalanish natijasida ta’lim oluvchilarda fan boʻyicha egallangan bilimlarni koʻnikma va malaka darajasiga yetkazish;
  
• 
  qoʻlda bajariladigan ishlarni kamaytirish hisobidan ta’lim oluvchilarga yakka tartibda ishlash va oʻz qobiliyatlarini namoyon qilish imkoniyatini yaratish;
  
• 
  ta’lim oluvchilarni mustaqil bilim olish jarayonini samarali tashkil etish kabi imkoniyatlarni yaratadi.