Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Xosting xizmati va axborotlarni joylashtirish. Foydalanuvchi veb-sahifalarini internet provayderi (xosting provayderi) serverida joylashtirish va joriy qilish amali xosting deb ataladi. Xosting soʻzi toʻlaqonli ikki tomonlama aloqa bilan ta’minlangan tarmoqdagi kompyuterni bildiruvchi xost soʻzidan olingan. Xosting xizmati pulli va tekin hamda oddiy va mukammallashgan boʻlishi mumkin. Xosting xizmati quyidagi imkoniyatlarni taqdim etishi zarur:

• 
  axborot makoni;
  
• 
  internet kanalining oʻtkazish qobiliyati (kengligi);
  
• 
  fayllarni boshqarish usullari;
  
• 
  standart skriptlar toʻplami;
  
• 
  server tomonida dasturlash mumkinligi;
  
• 
  serverda ma’lumotlar bazalaridan foydalanish;
  
• 
  bir yoki bir necha pochta qutilarini tashkil etish;
  
• 
  uzluksiz elektr energiyasi bilan ta’minlash.
  

Proksi xizmati, anonim proksilar va ularning vazifalari, ijobiy va salbiy tomonlari. Proksi kompyuter tarmogʻi xizmatidir. Bunda proksi xizmati orqali kompyuter tarmoqlari mijozlariga boshqa tarmoq xizmatlaridan bevosita foydalanish imkoni beriladi. Mijoz avval proksi serverga ulanadi va u orqali boshqa serverda joylashgan biron bir resursga murojaat qiladi. Bunga misol tariqasida shuni keltirish mumkinki, koʻpgina hollarda kompyuter tarmoqlaridagi bir guruh foydalanuvchilar yagona internetga ulangan kompyuter orqali kompyuter xizmatlaridan foydalanishadi.
Ba’zi hollarda mijoz soʻrovi yoki server javobi proksi server tomonidan muayyan maqsadlarda oʻzgartirilishi yoki toʻxtatilishi mumkin. Proksi server shuningdek mijoz kompyuterini ba’zi tarmoq hujumlaridan ximoyalashga imkon beradi.
Anonim proksi serverlar (Anonymous Proxy Servers). Anonim proksi serverlar ba’zi manzillarni berkitish yoki biror hujjatlarni olishda oʻzini oshkor qilmaslik imkonini beradi.
Yuklash va koʻchirib olish (upload, download) tushunchalari. Internet tarmogʻida ma’lumotlar bilan ishlash vaqtida “Upload” va “Download” tushunchalariga juda koʻp duch kelinadi. Ushbu teminlarga quyidagi tushunchalarni keltirish mumkin:
Upload yuklab qoʻyish. Ma’lumotlarni (fayllarni) kompyuterdan tarmoqdagi yoki Internetdagi boshqa kompyuterga yoki serverga yuklab qoʻyish.
Download yuklab olish. Ma’lumotlarni (odatda faylni) tarmoqdagi yoki Internetdagi boshqa kompyuterlar va serverlardan oʻz kompyuteriga yuklab olish.