Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Qidiruv tizimlaridan toʻgʻri maqsadda foydalanish. Ha, afsuski, bugungi kunda kompyuterga va internetga yoshlar tomonidan birinchi navbatda koʻngilochar vosita deb qaralmoqda. Ayniqsa, bolalar kompyuterga koʻzi tushgan zahoti darrov oʻyinlarni soʻrashadi, koʻpchillik yoshlar esa Internetga ulangani zaxoti esa rasmlar tomosha qilishni soʻrashadi.
Internet resurslari xilma-xildir. Ularning ichida ham foydali ham zararli boʻlganlari ma’lumotlar uchraydi. Internet tarmogʻidagi axborotqidiruv tizimlari esa Internet resurslari ichidan soʻralgan ixtiyoriy ma’lumotlarni qidirib topib berish imkoniyatiga ega. Chunki bunday qidiruv tizimlari kalit soʻzlar boʻyicha qidirishni amalga oshiradi. Foydalanuvchi tomonidan qanday ma’lumot kiritilsa, xuddi shu ma’lumotga mos ma’lumotlarni qidirib topadi. Shu narsani eslatib oʻtish kerakki, har qanday axborot ham foydali va toʻgʻri, rost hisoblanavermaydi. Axborotqidiruv tizimlaridan faqatgina toʻgʻri va foydali maqsadda foydalanish maqsadga muvofiqdir. Turli nojoʻya ma’lumotlardan foydalanishdan va tarqatishdan saqlanish maqsadga muvofiqdir.
Internet orqali muloqot va uning ahamiyati. Forum tushunchasi.
Internet tarmogʻida forumlar veb-sayt koʻrinishida boʻladi va Vebforum deb ataladi. Veb-forum - veb-sayt tashrif buyuruvchilarining oʻzaro muloqotini tashkil etish uchun moʻljallangan veb sayt sahifalari va uskunalari majmui. Qisqacha aytganda, forum bu veb-saytning tashrif buyuruvchilari muloqot oʻrnatadigan maydonchasi. Bunda ixtiyoriy foydalanuvchi forum veb saytiga tashrif buyurib, oʻzini qiziqtirgan mavzuni oʻrtaga tashlashi va veb-saytning boshqa tashrif buyuruvchilari bilan muhokama qilishlari mumkin.
Forum muloqotning yana bir oddiy turi boʻlib, bu muloqotda ixtiyoriy vaqtda ixtiyoriy joydan qatnashish ham mumkin. Bunda biror bir mavzu tanlanadi va u muhokamaga qoʻyiladi. Qatnashuvchilar muzokara bilan tanishib oʻz fikrlarini joʻnatishlari mumkin. Bu usulda siz muhokamada qatnashayotganlarni koʻrmaysiz, faqatgina ularning fikrlari bilan tanishib chiqishingiz mumkin. Forumda turli - tuman mavzular muhokama qilinadi. Bunda siz biror mavzuni tanlab, ularning muhokamasida ishtirok etishingiz mumkin.