Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

1.4. Fizika fanini oʻqitishda AKT dan samarali foydalanish moduli
(umumiy fanlar uchun)


Modulning maqsadi va vazifalari


Modulning maqsadi: umumiy oʻrta ta’lim maktablari oʻqituvchilarini qayta tayyorlash va malaka oshirish kurs tinglovchilarioʻquv jarayonida axborot-kommunikasiya texnologiyalarini qoʻllash imkoniyatlari va pedagogik dasturiy vositalar yordamida elektron oʻquv resurslar yaratish kompetensiyalarini rivojlantirish.


Modulning vazifalari:
- umumiy oʻrta ta’lim maktablari fan oʻqituvchilarining axborot-kommunikasiya texnologiyalari haqidagi bilim va koʻnikmalarni rivojlantirish;
- umumiy oʻrta ta’lim maktablari fan oʻqituvchilarining oʻquv jarayonlarida axborot-kommunikasiya texnologiyalarini qoʻllay olish kompetensiyalarini rivojlantirishdan iborat.


Modulni tashkil etish va oʻtkazish boʻyicha tavsiyalar:

Oʻquv jarayonida axborot-kommunikasiya texnologiyalarini qoʻllash moduli nazariy va amaliy mashgʻulotlar shaklida olib boriladi.

- nazariy mashgʻulotlarda oʻquv jarayonida axborot-kommunikasiya texnologiyalarini qoʻllash haqida ma’lumotlar beriladi;
- multimedia va uning texnik-dasturiy vositalarida ishlay olish;
- amaliy mashgʻulotlarda texnik vositalar hamda amaliy dasturlardan foydalanish oʻrgatiladi.


Modulning oʻquv rejadagi boshqa modullar bilan bogʻliqligi va uzviyligi

Modul mazmuni oʻquv rejadagi “pedagogning kasbiy kompetentligi va mahorat”, “Mutaxassislik fanlar” bloki oʻquv modullari bilan uzviy bogʻlangan holda pedagoglarning kasbiy pedagogik tayyorgarlik darajasini orttirishga xizmat qiladi.

Modulning uslubiy jihatdan uzviy ketma-ketligi

Asosiy qismda (nazariy) fanning mavzulari mantiqiy ketma-ketlikda keltiriladi. Har bir mavzuning mohiyati asosiy tushunchalar va tezislar orqali ochib beriladi. Bunda mavzu boʻyicha tinglovchilarga yetkazilishi zarur boʻlgan bilim va koʻnikmalar toʻla qamrab olinishi kerak.

Asosiy qism sifatiga qoʻyiladigan talab mavzularning dolzarbligi, ularning davlat talablariga va ta’lim tizimi ehtiyojlariga mosligi, mamlakatimizda boʻlayotgan ijtimoiy-siyosiy va demokratik oʻzgarishlar, iqtisodiyotni erkinlashtirish, iqtisodiy-huquqiy va boshqa sohalardagi islohotlarning ustuvor masalalarini qamrab olishi hamda fan va texnologiyalarning soʻnggi yutuqlari e’tiborga olinishi tavsiya etiladi.